C Een ander. Gal. 5, 17.VLeesch ende bloet comen mi nu bestrijden Ende maken in my een seer groot tempeest Door v liefde Heere doet my verblijden Ende gheeft my uwen ghewillighen Gheest So sal ick wesen, cloeck, stout en onbeureest Ende niet achten wat my de werelt doet O Godt helpt en troost my tot allen tijden psa. 103, 17Want uwe bermherticheyt is eewich goet. Al die mijn vrienden na de werelt hieten Scheyden van my sonder aensien mijnen noot Sy en schencken my niet dan swaer verdrieten Bouen dien condemneren sy my ter doot Psal. 7, 3 ende 16, 2. ende 18, 3. ende 31, 2. ende 71, 1.Maer op hem stel ic al mijn betrouwen bloot Die my can helpen, en troosten metter spoet O Godt wilt my met v Liefde doorschieten ps. 103, 17Want uwe bermherticheyt is eewich goet. V woorden Heere blijuen eewich crachtich
Tmoet so geschieden, want ghi hebbet voorseyt Wie volghen sal uwe weghen waerachtich Persecutie wert henlieden bereyt Pro. 3, 12. Heb. 12, 6. Apo. 3, 16Ghy geesselt hem meest die v alder best greyt Maer de boose Werelt dit niet en gheuroet O God wilt mijns wesen altijt ghedachtich ps. 103, 17Want uwe bermherticheyt is eeuwich goet. mt. 16, 24 mar. 8, 34 Luc. 9, 23. So wie zijn cruyce niet en neemt volueerdich Op sinen hals, ende my wil volghen naer Die en sal mijns niet mogen wesen weerdich Dit spreect Christus de ioan. 14, 6 waerheit int openbaer ioan. 12, 26De knape moet sinen Meester sonder vaer Volghen, sal hy ontfanghen gratie soet O God mijn lijden wilt toch maken heerdich psa. 103, 17Want uwe bermherticheyt is eewich goet. ioan. 16, 20 Wanneer de werelt sal wesen in vruechden Dan sullen de kinderen Godts droeuich zijn Joan. 16, 2Het salsommich duncken een werc van duechden Alsmen haer aendoen sal druck ende ghepijn Maer God sal verkeeren in corten termijn Blijscap in rouwe, en druc in vruechden vloet O God staet by ter werelt den misvuechden psa. 103, 17Want uwe bermherticheyt is eewich goet. O valsche werelt, van v wil ick scheyden Apo. 21, 2.En trecken nae tnieu Jerusalem playsant Wilt ghy Heere, so moecht ghy my bereyden Mijn hope, mijn troost, mijn toeuerlaet, want Joan. 16, 33Ghy hebt verwonnen de werelt triumphant ose. 3, 14. Heb. 2, 14Doot, duyuel, helle, met alle haerlier gebroet O God wilt troost op mijn veruolgers spreyden ps. 103, 17Want uwe bermherticheyt is eeuwich goet.
Cookies on Poetry Cove