C Na de wijse: Rijck Godt wie sal ick claghen. ICk hoorde een maecht singhen Met een ynghelijck gheluyt My docht aen al haer dinghen Dat was der Cantijcken Bruyt Met grooter neerstichede Prees sy haer Bruydegom schoon En sprack ghy zijt mijn vrede Mijn hope, mijn troost, mijn croon. Als Antechrist dat hoorde De dochter van Babels boel Seere hy hem verstoorde En zijn hert dat wert hem coel Wilt daer af sprack hy swijghen Ghy dochter van Sioen En voor ons stuypen, nijghen Wy sullen v, vrientschap doen. Ick en sal niet verlaten Mijn schoon wtuercoren Lief Om al v hooghe staten Want hy weert alle mijn grief Hy is mijn vruecht, mijn leuen Mijn stercte, mijn toeuerlaet Ick sal hem niet begheuen
[V]liet met uwen valschen raet. Babel sprack seer verbolghen Tot Antechrist haren vrient [L]aet ons haer scherp veruolghen [I]ndien sy ons niet en dient [D]ijnen, versmooren, branden Leuendich aen eenen staeck [A]ll die brenghen tot schanden De leere van onsen Draeck. Ick en ontsie gheen dreeghen Ghy dochter van Babel moey Al v Ese. 13, 10.gheplackte weeghen Met quaden calck sonder stroey Al cont ghy seer wel callen Sy sullen niet blijuen staen Al v placxsel sal af vallen Door Ese. 13, 10.mijn Bruydegoms vermaen. Hoe cont ghy hem beminnen Die v so magherlijck hout Ghy hebt seer arme sinnen [A]enmerct mijn costelijck gout Peerlen en dierbaer steenen Mijn cleet, schoon schaerlaken root Apo. 17, 4 Niemant mach my vercleenen Mijn boel helpt my wt den noot. Al ben ick nu versteken Van uwen boel en van dy Mij en sal niet ghebreken Blijf ick mijn Lief altijt by [H]y can my troosten, stercken [I]n lijden ende verdriet Wonderlijck zijn al zijn wercken Hij en laet de zijne niet. Contrary machmen mercken Met al die gheweldich zijn Die my tot een verstercken Dienen, mits dat sy den wijn Apo. 17, 2 ende 18, 3. Met my hebben ghedroncken Wt mijn gouden drinckvat ghemeen
Dooden die op my proncken Waer helpt v Bruydegom een. Dat en mach al niet schaden Maer Sap. 3, 15 duecht doetmen haer daer me Want sy worden ontladen Van druck, en trecken in vre En diet doen, sullent weten apo. 19, 20Als sy inden Helschen poel mat. 8, 12 ende 13, 42. ende 22, 13. ende 25, 30. Luc. 13, 26Sullen huylen en creten Met v, en met uwen boel. Vrou Bruyt stopt uwen snater Ende swijcht van sulck vermaen Oft de Draeck sal van water Apocal. 12, 20.Een vloet na v schieten saen En v daer in versmooren Ghy en sullet niet ontulien Wilt ghy na ons niet hooren Wy sullen v wel bespien. Ghy sult my niet doen beuen Met al v dreyginghe quaet Mijn lief heeft my ghegheuen Teghen v seer goeden raet apo. 12, 19Twee vlueghels om te vlieghen In de wildernisse breet V doen is niet dan lieghen Hindernis, grief ende leet. Al zijnder ons ontuloghen In de wildernisse groot Wy moetent wel ghedooghen Maer wy sullense ter noot Wel weder achterhalen Die ons meynen te zijn ontgaen Ick segt v sonder dralen Men salse leuendich braen. Dochter van Babel coene Ghy zijt toornich ende gram Tis wel van uwen doene Te vechten teghen het Lam apo. 17, 14Nochtans gheensins vernielen
Moecht ghijt, al zijt ghy seer sier [v]anGen. 3, 15. bijten in de hielen [d]aer na treckt ghy mt. 25, 30 int Helsch vier.
Cookies on Poetry Cove