C Nae de wijse: Aen elck oore hangt een man. HOort toe ghy Broeders al te samen Die inden gheest Joan. 3, 3. herboren zijt Ghy Susters, wilt v ooc niet schamen Al zijt ghy hier versteken, benijt Want Godt ghebenedijt Maect v van sonden quijt, hier al En vreest voor gheen misual Want hy ons troosten sal. Laet ons nu al, blijde van gheeste Spreken den Heere, lof en danck Dat hy ons beurijt heeft van tempeeste Daer wy laghen Eph. 2, 12. in sdoots bedwanck Want wy waren seer cranck Al inder sonden stanck, maer Heer Hebt ons met allen teer Verlost wt thelsch verseer. Dus laet ons lanckmoedich verdraghen Al zijn Joan. 16, 2 wy hier veruolcht, veriaecht En ons leuen vromelijck waghen Voor die ons gheern hadden gheknaecht Dus en weest niet versaecht Maer doet dat Godt behaecht, hy sal Hier wt dit aertsche dal Weeren druck en ongheual. Want Christus de Heere verheuen Heeft ons nu 1. cor. 3, 13. 1. Pet. 1, 7 inder proeuen ghestelt Wy vindent so claerlijck beschreuen Maer het Sap. 3, 7 Mat. 5, 10 wert ons hier na verghelt Al ist datmen v quelt Als ghy zijn Naem vertelt, verblien Sult 1. Joan. 3, 2 ghy, ende hem sien So hy is na desen tien. esa. 64, 17 1. Cor. 2, 9 Want noyt ooren, en costent hooren Noch noyt ooghen en hebbent ghesien Noch noyt herte en dacht te vooren Wat Godt bereyt heeft, die hem belien
Och wat vruecht sal gheschien Als wy sullen verblien, hier naer Als wy werden voorwaer By Christum, en zijn Vaer. mat. 10, 22 mar. 13, 13. Luc. 21, 17 Al die volstandich sullen blijuen Tot inden ent, spreeckt Christus voorwaer Die sullen met hem vruecht bedrijuen Al inder eeuwicheyt claer Dus en maeckt gheen misbaer Want zijn mat. 11, 30 1. Joan. 5, 3 iock is niet swaer, voor die Tvleesch cruycen, als partie En daer gheest heeft dheerschappie. Dus laet ons nu ons siele vromen En vreesen Godt ghebenedijt Op dat wy Heb. 4, 6 in zijn ruste comen Daer hy de zijne roept met iolijt En wilt v niet maken quijt Van zijn ghenade wijt, dat wy Souden oock moghen bly En met hem werden vry.
Cookies on Poetry Cove