Den xxxiiij. Psalm: C Na de wijse: Het sadt een sneeu wit voghelken, al op zijn eerste pluyme. ICk wil den Heere ghebenedijt Psa. 34, 1Louen, prijsen tot allen stonden Sijnen lof sal ick tot alder tijt Wtspreken vry met mijnen monde. Mijn siele sal van den Heere groot Haer seer hooghelijcke beromen So dat diet hooren (zijnde in noot) Blijtschap en vruecht daer af sal comen. Laet ons den Heere met groot ootmoet Louen en prijsen altesamen
Hooghe verheffen zijn Name soet Hy gaet te bouen alle namen. Wanneer ick den Heere sochte siet Antwoordende sprack hy seer sachte En hielp my wt vreese en verdriet Door sinen Gheest, die in my wrachte. Alle de menschen die op hem sien Sal hy seer wonderlijck verlichten Gheen schande sal haer moghen gheschien Twert al goet, en recht wat sy stichten. Psa. 22, 25 Doen den allendighen mensche riep De Heere zijn stemme verhoorde En hielp hem wt zijn lijden diep Verstroostende met sinen woorde. 4. re/ 6. 16 ende 19, 36. Psa. 125, 2 De Engel des Heeren legher maect Rontom die hem vreesen en eeren Hy helptse wt noot en hy waect Voor menschen die Gods lof vermeeren. Wilt smaken en met ooghen aenschout Hoe vriendelijck dat is de Heere Psal. 2, 12. ende 34, 9.Wel den mensche die op hem betrout Ende van hem scheyt nemmermeere. psa. 128, 1 Vreest hem ghy zijne Heylighen al Want die hem vreesen en beminnen Psa. 111, 5Gheen ghebreck haer oueruallen sal Noch gheen ghewelt salse verwinnen. Luc. 1, 49 De rijcke honghert, en lijdt ghebreck Maer die den Heere neerstich soecken Worden gheholpen wt allen dreck Beurijt van schaey in allen hoecken. Coemt herwaerts kinders en hoort na my De vreese Gods sal ick v leeren 1. Pe. 3, 10Al die begheeren te leuen vry Gherust van herten en met eeren. Behoet v tonghe voor alle quaet Col. 3, 14Maeckt dat v lippen niet en spreken Eenich bedroch oft valschen raet Dwelck doet den bant der liefden breken psa. 34, 15 ende 37, 27. Amo. 5, 15 Laet af vant quade, en doet dat goet
Soeckt vrede, en wiltse vermeeren Want so wie dat gherechticheyt doet Op hem sien de ooghen des Heeren. psal. 33, 18 ende 34, 16. eccli. 15, 24 1. Pet. 3, 12 Ende zijn ooren oock open staen Om zijn bedinghe te ontfanghen Maer met den quaden salt anders gaen Die de boosheyt altijt aenhanghen. Want seer vreeselijck sal Gods aenschijn Aensien den boosen, en wt roeyen So dat nu noch op gheenen termijn Haer ghedachtenisse sal groeyen. Als de oprechte roept, Godt die hoort En verlost hem wt zijn ellende Door zijn ghenade met goet accoort Maect hy zijn lijden, een goet ende. psa. 34, 19 ende 51, 19. Esa. 57, 13 ende 61, 1. ende 66, 2. De Heer is de menschen nae by Al die ghebroken zijn van herten Ende den saechtmoedigen helpt hy Wt angst, noot, lijden ende smerten. 2. ti. 3, 12. Den Rechtueerdigen seer vele hert Maer Godt beurijt hem van misualle So datter niet een ghebroken wert Van zijndere ghebeenten alle. Dongheluck sal doon, den boosen man En al die den gherechten haten Sullen haer beschuldigen daer an Hoe hooghe dat sy zijn van staten. Godt die verlost wt alle ghepijn De sielen van alle zijn knechten Psal. 2, 12. ende 34, 23. Jere. 17, 7En die op hem betrouwende zijn Sal hy ghenadelijck rechten.
Cookies on Poetry Cove