C Een ander. HEt sweert is weer scheyden Om te storten onnoosel bloet De Phariseen verleyden mat. 27, 24 mar. 15, 11Pilatum al metter spoet Al is Pharao op ons verwoet Godt can ons wel ghenesen Voor den onwetenden ist dat ic bidden moet Al die mijn veruolghers wesen. Alleen zijn sy op my verbolghen Om dat ick op Christum staen Daerom willen sy my veruolghen Ick en weet waer henen gaen Al souden sy my ter doot toe braen De Schriftuere die sal ick lesen O Heere wilt haer ten besten beraen Al die mijn veruolghers wesen. Als ick sat in de taueerne Daermen niet dan boosheyt en brout Doen saghen sy my seer gheerne Wijf en kint liet ick benout Dit hebben sy langhe wel aenschout Sy en straften my noyt van desen O Heere v gracie op haer lieden dout Al die mijn veruolghers wesen. Paulus spreeckt sonder sneuen Hy beschrijuet ons openbaer Al die esa. 59, 15 2. Ti. 3, 12. Godsalich willen leuen Moeten veruolginghe lijden, tis waer Also Jer. 26, 8 Mat. 5, 2. Heb. 11, 36 hebben sy de Propheten ghedaen mat. 26, * Mar. 15, *Christus en de Act. 4, *. ende 5, 15. ende 7, *. ende 8, 1. ende 9, 1. ende 12, 1. ende 14, 18.Apostelen mede O Heere latet haer wel vergaen Al die mijn veruolghers wesen.
Epypten moet ick laten Sy hebben mijns leuens beroemt Gaen dolen mijnder straten En verbeyden den dach die coemt Wie mat. 16, 24 mar. 7, 34 Luc. 9, 24 ende 14, 27. Christum volghen wil onbeschroemt Wort vander werelt begresen O Heere en laetse doch niet verdoemt Al die mijn veruolghers wesen. Al ist dat sy begheren Mijn bloet seer onueruaert Wie sal my moghen deren Als ghy my O Heer bewaert V heylich woort heb ick verclaert Dwelck sy verbieden te lesen O Heer en laetse doch niet beswaert Al die mijn veruolghers wesen. Doen ick ouerspel hanteerde En leefde na des Duyuels raet Int hoeren huys verkeerde Daermen alle duechden versmaet En doen ick loonde quaet met quaet De werelt heeft my ghepresen O Heere vergheeft haerlieden misdaet Al die mijn veruolghers wesen. Doen ick de Schrift ginck versinnen O mijn Heere ghebenedijt Wy moeten de werelt verwinnen Souden wy comen daer ghy zijt Ick wil gaen laten des werelts iolijt Al sou ick van haer worden beknesen O Heere schelt haerlieden boosheyt quijt Al die mijn veruolghers wesen. Luc. 12, 32 Cleyn vergaderinge wilt vromelijc strijden mt. 10, 22Blijft volstandich tot in dat ent Vwen mat. 27, * Act. 3, 15. Hertoch heeft moeten lijden Totter doot was hy in torment Dat deden de Schriftgeleerden blent Die de waerheyt hebben verwesen O Heere bewaertse toch ongheschent
Al die mijn veruolghers wesen. Prince Godt wilt ons verstercken Door v goetheyt, dat wy v ient Moghen behaghen in woorden, in wercken En vreesen oock gheen torment Al sou het lichaem worden gheschent Als v licht is in ons gheresen O Heere maeckt haer uwen wille bekent Al die mijn veruolghers wesen.
Cookies on Poetry Cove