C Na de wijse: Tyrannich werck vol erchs ghedronghen. OCh God almachtich vader van hier bouen Wy bidden v wilt ons doen onderstant Weest in onsen mont, dat wy v mogen louen Ontsteeckt in ons der liefden brant Wy zijn op de bane triumphant In dijne hant Om voort te wandelen den rechten padt Apo. 21, 2.Tot dat nieuwe Jerusalem de schoone stadt. esa. 59, 15 De waerheyt leyt geuanghen, so wy lesen Wie het quaet wil laten ende doen dat goet Moet nu alle mans beroouinghe wesen Ro. 8, 35.Maer wie mach ons scheyden vander liefden
Druc, angst, veruolch, perijckel, sweert of gloet O Heere vroet V sermaetheyt achten wy voor beter schat Dan al swerelts vruecht, want de loon is plat. Och Heere leert ons doen al v behaghen Want in ons en vinden wy niet dan quaet Drijft ons voort met uwen geest, sonder vertragen Doen sprack tot my de Heere delicaet esa. 41, 14Vreest niet Jacobs wormken, cleyn hoopken verstaet Volcht mijnen raet Sapi. 3, 5.Nu heb ick v inder proeuen ghestelt mt. 11, 12.Dat Rijcke der Hemelen lijdt groot gewelt. mt. 11, 28 Hoort ghy belaste, ick wil v ontladen Jac. 1, 17Alle goede gauen van my ghegheuen zijn 1. co. 12, 9Laet v ghenoeghen met mijnder ghenaden Ghy sult noch aenschouwen met claer aenschijn Apo. 3, 11.Hout dat ghy hebt, vreest niet der slanghen fenijn De Vader mijn Heeft v ghegheuen den heylighen Gheest Apo. 12, 22Strijt cloeckelijc tegen dat gecroonde beest. luc. 17, 10 Maer als wy doen al dat wy behooren Onnutte knechten so blijuen wy Wilt O Heere v ghenade orbooren En sterckt ons ghelooue, wy werden vry Swerelts wijsheyt verdoemt ons, dus staet ons by Want alleene ghy Esa. 63, 3.Hebt de persse voor ons ghetreden swaer Ghy zijt onse toeulucht ende 1. tim. 2, 5 middelaer. Esa. 53, 7 1. pet. 2, 24 Alle onse boosheyt hebt ghy ghedreghen Om ons te verlossen wt alder noot 1. pe. 2, 23 Act. 8, 31.Alsmen v belaste, ghy hebt ghesweghen Als een onnosel lammeken ginct ghy ter doot In v is ghebleken, sulck een liefde groot Door dijn wonden root 1. pet. 1, 18.Gout noch siluer hebben wy v niet ghecost Apo. 1, 5Mer met dijn heilich bloet hebt ghi ons verlost. apo. 15, 4 Och Heere wie en soude v niet vreesen phil. 2, 10Want voor v moeten buyghen allen knien ioan. 14, 18Ghy en laet ons niet als bedruckte weesen
Maer als een beschermer so coemt ghy ons besien Och lieue kinders 2. Tim. 2, 5 wilt wettelijck strien En de waerheyt belien Dit lijden en sal ons een hayr niet schaen Als wy met Godt in vruechden sullen gaen. O Christe helpt onse cranckheyt draghen Ghy kent doch onsen inwendighen strijt Luc. 6, 21.Salich zijt ghy die nu weent, doet Lucas ghewaghen Maer wee die hier lachen ende maken iolijt Su sullen weenen en huylen den eewigen tijt Maer v lieden verblijt Ghy wtuercoren, Luc. 12, 32 O ghy cleynen hoop De werelt hout verre den erchsten coop. mar. 16, 19 Luc. 24, 50 Acto. 1, 9. O Christe ghy zijt ten Hemel opgeuaren By uwen vader ghy ons rechtueerdich maect So de Schriftuere claer can openbaren Daer ghy de Hemelsche glorie smaeckt mat. 10, 32 Luc. 12, 8.Die v voor de menschen niet en versaeckt Also ghy spraeckt Sult ghy belijden in des Hemels Throon Apo. 2, 10Ende geuen haer de croon des leuens schoon. Och Heere God wilt ons lijden aenschouwen Helpt uwe kinderen wt dit torment Alleen op v staet alle ons betrouwen mat. 10, 22Maeckt ons volstandich tot inden ent 1. cor. 3, 11Wy zijn dat werck, en ghy dat Fondament O Heere ient Door v so ist ghelooue blijuen staen luc. 13, 46. Act. 7, 59.Wilt onsen gheest in uwe handen ontfaen.
Cookies on Poetry Cove