Op de wijse: 't Gewas van 't vlas en 't weven,, dat. VAn Ioseph hoort gelijckenis, Hoe dat hy Iesus voorbeeldt is, En een Figuer, In al sijn leven deur.
Als Ioseph eerst geboren was, Trock hy van Laban op dat pas, Oock onsen Heer Die reysde wijt en veer.
Ioseph was 's Vaders liefste kindt, En Iesus was van Godt bemindt, Sijn liefste Soon, Van boven uyt den troon
Ioseph was een onnoosel Lam, Wt Iesus mont geen valsheyt quam, Suyver en reyn, Soo was dat edel greyn.
Ioseph verdroegh sijn broeders nijt, En Iesus leet oock veel verwijt Sijn broeders siet, Geloofden in hem niet.
Ioseph die werdt gesonden uyt, En Iesus om verkonden uyt, Sijns Vaders wil: Quam tot sijn broeders stil.
Ioseph die werdt verkocht, verraen: Iesus werdt desgelijcks gedaen,
Gantsch onverdient Van die hem scheen een vrient.
Ioseph leed alles met gedult En Iesus bleef oock sonder schult, Ootmoedigh slecht In 't aensien als een knecht.
Ioseph leed van d' Egyptsche vrou, Iesus leed desgelijcks ontrou Van 's werelts schaer, Welcke hy was dienstbaer.
Ioseph verliet sijn opper-kleet, 's Gelijcks Iesus aen 't kruyce leet, Kleet en lichaem // verliet hy altesaem.
Den schencker Ioseph haest vergat Als hy in sijnder weelden sat, So deed' elck een // als Iesus heeft geleen.
Ioseph was dertigh jaer, doen hy Voor Pharao stont, om dat gety, Oock Iesus ginck Doen hy sijn ampt aenvinck.
Ioseph wert over al gestelt, Iesus verkreegh alle gewelt Van God gewis // na sijn verrijsenis.
Sijn broeders quamen onbekent, Iesus vertoond' hem oock ontrent Op die manier // gelijck een hovenier.
Ioseph hem by sijn broeders vont, Gelijck Iesus in 't midden stont En maeckte haer // hem selven openbaer.
Ioseph vergaf hun alle dingh, Iesus haer minnelijck ontfingh, Hoe onvolmaekt // sy hem hadden versaekt.
Ioseph heeft alle sijn geslacht In 't overvloedigh Landt gebracht, Soo Iesus sal // die hem hier dienen al.
Cookies on Poetry Cove