Op de wijse: ‘t Gewas van ‘t vlas en ‘t weven // dat. Van Ioseph hoort gelijckenis, Hoe dat hy Iesus voorbeelt is, En een Figuer, In al sijn leven deur. Als Ioseph eerst gheboren was,Genes. 30: 25. Trock hy van Laban op dat pas, Oock onsen Heer,Matth. 2: 13. Die reysde wijt en veer. Ioseph was ‘s Vaders liefste kint,Genes. 37: 3. En Iesus was van Godt bemint,Ioan. 3: 16. Sijn liefste Soon, Van boven uyt den troon. Ioseph was een onnoosel Lam, Wt Iesus mont geen valscheyt quam,1 Pet. 2: 22. Suyver en reyn, Soo was dat edel greyn. Ioseph verdroeg sijns broeders nijt,Genes. 37: 11. En Iesus leet oock veel verwijt,Ioan. 7: 5. Sijn broeders siet, Geloofden in hem niet. Ioseph die wert ghesonden uyt,Genes. 37: 12. En Iesus om verconden uyt, Sijns Vaders wil, Quam tot sijn broeders stil. Ioseph die wert verkocht, verraen:Genes. 37: 27. Iesus wert desgelijcks ghedaen,Matth. 26: 49.
Gantsch omverdient Van die hem scheen een vrient. Ioseph leet alles met ghedult, En Iesus bleef oock sonder schult, Phil. 2: 7.Ootmoedigh slecht In ‘t aensien als een knecht. Genes. 39: 7.Ioseph leet van d’Egyptische vrou 1 Pet. 3: 18.Iesus leet desgelijcks ontrou, Van ‘s werelts schaer Welcke hy was dienstbaer. Genes. 39: 12.Ioseph verloor sijn opper-cleet, Ioan. 19: 23.’s Gelijcks Iesus aen ‘t cruyce leet, Cleet en lichaem // verliet hy altesaem. Gen. 40: 21.Den schencker Ioseph haest vergat, Als hy in sijnder weelden sat, Matth. 27: 38.So deed’ elck een, als Iesus heeft geleen Genes. 41: 46.Ioseph was dertigh jaer, doen hy Voor Pharao stont, om dat gety Luce 3: 23.Oock Iesus ginck Doen hy sijn ampt aenvinck. Gen. 41: 40.Ioseph wert over al ghestelt, Matth. 28: 18.Iesus verkreegh alle gewelt, Van Godt gewis // na sijn verrijsenis. Gen. 42: 8.Sijn broeders quamen onbekent, Ioan. 20: 15.Iesus vertoond’ hem oock ontrent Op die manier // gelijck een hovenier. Gen. 45: 1.Ioseph hem by sijn broeders vont, Luce 24: 35.Ghelijck Iesus in ‘t midden stont, Ioan. 20: 19.En maeckte haer // hem selven openbaer. Gen. 50: 16.Ioseph vergaf hun alle dinck, Ioan. 20: 21.Iesus haer minnelijck ontfinck, Hoe onvolmaekt // sy hen hadden versaeckt. Gen. 45: 9.Ioseph heeft alle sijn gheslacht In ‘t overvloedigh lant ghebracht, Ioan. 12: 26.So Iesus sal // die hem hier dienen al.
Cookies on Poetry Cove