Op de wyse: Ick ginck op eenen morgen al door den aerden hout, &c. Wie op het vleesche saeyetGalat. 6: 9. Hy die verderffenis Weer van den vleesche maeyet, Nae ‘s Schrifts ghetuyghenis, Maer wie daer saeyen Nae den Gheest, Die sullen daer af maeyen Het leven so men leest. Wie in wel-lusten leven,1 Tim. 5: 6. Die sijn levendigh doot,2 Pet. 1: 4. Maer die wel-lust begheven Comen in ‘s levens schoot: Maer die verkiesen,
Des werelts vreught, Die sullen dan verliesen Het Hemelsche gheneught. 2 Pet. 2: 13.Wie meer dees dinghen achten, Rom. 1: 28.Die op der aerden zijn, Psalm 49: 19.Als die Hemelsche krachten, Sy verkiesen het schijn Voort ware wesen, Een ydelheyt Voor ‘t licht dat is gheresen, Donckere duysterheyt. 2 Pet. 2: 10.Wie Christus wet begheven, Ierem. 2: 10.En sijn heylsame leer, En soecken weer te leven Nae ‘s werelts ydel eer, Die gaen begheven ‘s Levens fonteyn, En graven daer beneven Slijck-putten seer onreyn. Rom. 12: 16.Wie leegheyt gaet versmaden, Luce 12: 29.En staet nae hoogheyts faem, Luce 16: 15.En soeckt soo op te laden, 1 Pet. 1: 24.Een werelts hooge naem, ‘t Schijnt wat te schynen, Maer, laes! wat ist, Men siet het haest verdwynen, Ghelijck een roock of mist. Iohan. 6: 27.Daerom laet ons niet wercken Spyse die haest verdrijft, Maer wel, tot ons verstercken, Spyse die overblijft, In ‘t eeuwigh leven, Soo Christus seyt, Volstrecken soo met leven Ons zielen saligheyt.
O vrienden die Godt minnen,Luce 13: 21. En lust hebt aen zijn woort,Iohan. 8: 12. Laet ons doch soecken binnen Te gaen door d’enghe poort, Volghen ons Heere, Op ‘t smalle pat, Die brenght ons dan soo veere, Tot in d’Hemelsche stadt. Prince. Princelijck Godt vercoren, Wilt altijdt by ons sijn, Maeckt ons recht nieuw herboren In waerheyt, niet in schijn, Op dat wy comen, Voor u ghenaed, Hier nae by alle vromen, Daer ‘t nimmermeer vergaet.
Cookies on Poetry Cove