Op de wijse: Fy schaemt u brabant seere, Ofte: Ick prijs u salich weenen. O Liefde soet van krachten, Ghy wendet de ghedachten Naer het gheliefde goet, Al brenght ghy aen veel pijnen,Ioan. 2: 17. Ghy geeft oock medecijnen,Cant. 2: 5. In een bedruckt ghemoet. Ghy zijt een vier des Heeren,Cant. 8: 6. Dat alles kan verteeren Watter voorhanden is, Daermen u niet can speuren,Matth. 24: 11. Siet men veel quaets gebeuren, In groote duysternis. V hope is gestadich,1 Cor. 13: 7. V wesen is weldadich,
Dat alle dinck gheneest, Sap. 1: 13.Van Nijdicheyt en wrake, En zijt ghy geen oorsake, Noch hebbet noyt gheweest. 2 Cor. 6: 12.Niemant sult ghy benouwen, 2 Cor. 11: 11.Maer laet een yder houwen, Philom. 9.Het geen syn hert begeert, Tit. 3: 4.Maer door u soet inlichten, De ydelheden swichten, En ‘t hert wort omgekeert. Prov. 8: 17.Na dat u stralen schieten, Laet ghy de vrucht ghenieten, 1 Cor. 9: 25.Eeuwich of tijdelick, Den vromen gheeft ghy ruste, Syr. 24: 23.Om dat hem ‘t eeuwich luste, En laeft hem blydelick. Is yemant aertsch gesinnet, Het tijd’lick hy beminnet, Esa. 5: 12.En heeft een corte vreucht, Maer blijft hy op u weghen, Hy krijght door uwen zeghen, Onendelicke deucht. Esa. 55: 2.Want niet can u versaden, Dan eeuwighe ghenaden, Waer van ghy oock hervloeyt, Cant. 8: 7.En van gheschapen dingen, En laet ghy u niet dwinghen, Hoe seer ment hem bemoeyt. Col. 3: 14.Ghy cont herten vereenen, Al waren sy van steenen, Maer sonder u ist niet, 1 Cor. 13: 1.Geen woort noch kloecke reden, En stelt het hert te vreden, Als ghy geen stralen schiet.
Sotheyt is al u pooghen1 Cor. 1: 23. Hier in des werelts ooghen,1 Cor. 3: 15. Om dat s’u niet en kent,Ioan. 8: 19. Maer u vruchtbare wercken, Connen de vrome mercken, Ghy zijt hun fondament.
Cookies on Poetry Cove