Op de wijse: Laestmael ginck ick ter jacht, &c. Gods wonderen aensiet, ‘t Geen hy heeft voor genomen, Terstont en geeft hy ‘t niet, ‘t Contrary laet hy comen, Dit doet hy al met goet voordacht, Om het menschelick gheslacht Te toonen zijne macht. Want daer en scheen niet min, Ter tijt van Iosephs leven, Dat Godt had in den sin, Om het het rijck te geven, Gen. 39: 20.Als hy in die gevangenis, Sonder schult geworpen is, Sijn droomen scheenen mis.
Oock als zijn broeders fel,Gen. 37: 18. Met een grammoedich poghen, Hem wilden dooden snel, lck een had zijn be-ooghen, D’een wild hem worpen in den put, D’ander die heeft dat beschut, ‘t Verkoopen was hem nut. Al sonder haer beleyt,Gen. 37: 25. Sy die Cooplieden saghen, Terstont was elck bereyt, Om van den koop te vraghen, Godts schickingh sy en misten niet, ‘t Geen sy wilden keeren siet, Dat is door haer gheschiet. Het menschelick verstant, Dat werckt op zijn manieren, Maer Gods verborghen hant, Heeft daer in zijn bestieren, Hy doet te niet al haren raet,Psal. 33: 10. Dat haer voorgenomen quaet, Noch al ten besten staet. -Hy laetse voor een tijt, Haer eyghen wil bedrijven, Maer ‘t dient al tot profijt, Gods raet moet staende bluven, Hoe het den mensche keert of wendt, ‘t Comt al tot den goeden endt, Al ist hem onbekent. Die Godt den Heer bemint, Vyt aller zielen krachten, Sijn gunst hy wel bevint, In alle zijn betrachten, Al schijnt dat hy geen oogh en hout,Psal. 10: 11. Sijn oordeel is menich vout, Wel dien die hem betrout.Psal. 34: 9.
Cookies on Poetry Cove