Op de wijse: Nero de Schoonste, Ofte: Bedruckte Herteken, &c. Wilt ghy ghenesen den beet der slanghen,Num. 21: 8. Waer van nu siele seer is ghewont, Siet onsen Iesum aen ‘t cruyce hangen,Ioan. 3: 14. Door sijn aenschouwen wert ghy gesont. Sijt ghy ghebeten van hoverdijen,2 Cor. 11: 5. Dat ghy de minste niet sijn en wilt, Siet hoe vernedert hy is in ‘t lijen,Phil. 2: 7. Door sijn exempel u ziele stilt. Zijt ghy ghebeten van ‘s vleys wellusten,Col. 3: 5. Keert u tot Iesum den Medecijn, Aensiet sijn hooft in de doornen rusten,Ioan. 19: 5. En al sijn leden vol smert en pijn. Soo lecker eten en gulsigh drincken,Rom. 13: 13. Door qua ghewoonten u ziele quelt, Soo laet u Edick en Galle schincken,Matth. 27: 47. Ghelijck als Iesus was voorghestelt.
2 Tim. 4: 10.Soo rijckdoms Liefde u heeft ghebeten, En dat den commer u hert benout, Siet hoe verworpen naeckt en vergeten, Iesus ghehangen heeft aen het houdt. Marc. 4: 18.Door Creaturen wort seer feynigh De ziel ghebeten al totter doot, Rom. 6: 6.Maer laet de lusten versterven pijnig, Door ‘t vruyce Iesu ghy comt uyt noodt. 1 Tim. 6: 4.Heeft u ghebeten ‘t kijfachtig wesen, Dat eyghen wijsheyt tot twist u drijft, Ephes. 2: 13.Den soeten vrede sal u ghenesen, Ist dat ghy Iesus in ‘t herte schrijft. Psal. 64: 4.Zijt ghy gebeten met schand’ en blamen, Door valsche tonghen, swijght met gedult, Matth. 27: 12.Want weder-spreken wil niet betamen, Ist dat ghy Iesum na volghen sult. Colloss. 3: 23.Zijt ghy gebeten van s’ naesten sonden, Welcks overdencken de liefde slijt, 1 Pet. 2: 24.Aensiet de smerten van Iesus wonden, Die hy om uwe misdaden lijdt. 1 Pet. 4: 8.Verteert uyt liefde nu alle saken, Door d’offerhande van Iesum soet, Esai. 53: 8.Want om den vrede met u te maken, Heeft hy vergoten sijn roode bloet. 1 Tessal. 32: 5.Soo u de slange soeckt te berooven Van hoop en liefde tot uwen Godt, Ioan. 3: 18.Heft op u ooghen, en wilt ghelooven, Hy sal u geven het saligh lot. Ioan. 8: 44.Dus heeft de ziele verscheyden qualen, Sapi. 2: 24.Al door de beten van ‘t helsch gespuys,
Maer wilt ghy ware gesontheyt halenHebr. 12: 2. Hout uwe ooghen op Iesus cruys.
Cookies on Poetry Cove