Op de wijse: De lustelijcke Mey, &c. Begeerte ghy brenght der zielen pijn, En doet dat hert bedroeven,1 Tim. 6: 10. Dus weet ick geen beter medecijn,Pred. 2: 22. Die my best sou behoeven, Dan dat de mensch ghelaten waerPsalm 37: 7. Hem selven versaeckt gantsch en gaer, En hadt een goedt ghenoeghen, Soo soudt den tijdt wel voeghen. De tijt die brenght de roosen voort, Alsmense can verwachten.Predi. 3: 10. Dus blijft in u selfs onghestoort, En bedwinght u ghedachten, Verbeyt den tijdt met lijtsaemheyt, En maeckt u quade begeerten quijt,
Stelt alle dinck in reden, Weest met den tijdt te vreden. Geen meerder vreught en can daer zijn, Phil. 4: 21.O menschen wilt dit vaten, 2 Cor. 1: 6.Dan die in blyschap en in pijn Can staen even ghelaten, In gheluck en in ongheval, In honigh en in bitter gal, Als hy maer is te vreden, Dan heeft hy wel ghestreden. Maer valt hy in eyghen gequel, Kan hy sijn sinnen niet dwingen, Hy bereyd hem selven hier de Hel, Sijn vyanden hem omringen. Esa. 57: 18.Vol onrust is hy t’aller tijt, Daer med’ hy teghen hem selven strijt, (Bedroeft in sijn gedachten) Waer zijn dan al sijn krachten? Rom. 6: 16.Is hy dan niet verwonnen heel, Al van sijn eyghen knechten? Daer over hy soud’ doen beveel Die komen over hem rechten. Prov. 16: 32.Dus raed’ ick elck dat hy Heer zy Over sijn gemoed, en worde vry, So mach hy triumpheren, Tot ruste hem gaen keeren. Met den Prince stelt u in ‘t velt, V self leert overwinnen, V vyanden worden u hier vertelt, Dat zijn u boose sinnen: Iacob 4: 1.V eygen wil, u eyghen raet, V boose begeerten en lusten quaet Als ghy die kond bedwingen, Dan meught ghy vrolijck singen.
Cookies on Poetry Cove