Op de wijse, Op de wijse, Fy schaemt u Brabant seere. Ofte: Van den sesten Psalm. Aenhoort een liet voor wonders, Het is al wat bysonders Dat ick verhalen sal: Het is van een ghevanghen,Act. 16: 9. Die vry was in bedwanghen, En bly in ‘t ongheval. Den vanger die hem leyde En den kercker bereyde, Lach selfs ghebonden vast: Hy klaeghd’ over zijn banden, Nochtans geen menschen handen Deden hem overlast. Den vanger was seer druckich, En hy sach aen gheluckich Dien hy ghebonden hiel: En om zijn eyghen levenAct. 16: 29. Met vreesen en met beven Hy hem te voete viel.
‘t Schijnt wel een rasernye, Dat die daer was een vrye, Sijn vrydom noch versocht: Van een die hy ghebonden Had, en seer vast bewonden, En in de hecht ghebrocht. Dit zijn Gods wonder wercken, Waer by men can bemercken, ‘t Is niet altijt soo ‘t schijnt, De vrye zijn ghevanghen, En die daer zijn in dwanghen, Die leven onghepijnt. Pred. 10: 3.Knechten sitten te peerde, En Vorsten, hooch van weerde, Gaen neffens haer te voet: Luc. 1: 49.Volheyt hebben de armen, De rijcke, vol van karmen, Hebben ghebreck aen goet. Ioan. 10: 41.Blint zijn dickwils de siende, En die men somtijts miende Onnoosel, blint, en slecht, Hebben ghesicht vol klaerheyt, En Gods verborgen waerheyt, In een ghemoet oprecht. 2 Cor. 6: 8.d’Apostels, als verleyders, Die werden van de weyders Des volcks vervolght, ghehaet, Ioan. 7: 48.Geen wyse, noch gheleerde Aen Iesum en bekeerde, Maer hebben hem versmaet. 1 Cor. 1: 23.Wijsheyt is dickwils sotheydt, Voor d’ooghen van de Godtheydt, All’ dinck anders bestaet, De waerheyt is inwendich, De leugen seer ellendich, Na ‘smenschen oordeel gaet.
Cookies on Poetry Cove