Op de wijse: Verheucht u doch met my. O Liefste Iesu soet, Eph. 1: 4.Die mijn ziel hebt vercoren, 1 Tess. 3: 12.Bestraelt doch mijn gemoet, Met uwer liefden gloet, En my u gracy doet, Psal. 121: 7.Neemt my in u behoet, Soo werd ick niet verloren. 1 Tim. 6: 16.Eeuwighe klaerheyt schoon, Psal. 16: 12.Met een lieffelick wesen, ‘Is rontom uwen troon, In u Hemelsche woon, Ioan. 16: 33.Maer hier is onsen loon, 1 Cor. 4: 13.Verachtingh, smaet, en hoon, Och wilt ons doch genesen. Psal. 42: 2.Ons ziel ghestadich lijdt, Want s’u niet mach aenschouwen, Daer toe ghevoeltse strijt, Ter werelt breet en wijt, ‘t Welck haer dickwils doorsnijt, Psal. 91: 2.Haer toeverlaet ghy sijt, In alle haer benouwen. Cant. 2: 14.Als in een eensaem wout, Sit sy deerlick verschoven, Act. 20: 33.S’en soeckt silver noch gout, Noch watmen hier aenschout, Ierem. 15: 10.Nochtans wertse benout, Met liefde haer bedout, So machs’ u stadich loven,
Ghy zijt haer medecijn,Psal. 80: 4. Sy heeft naer u verlanghen, Mochts’ altijt by u zijn, En smaecken uwen wijn,Cant. 2: 4. Cleyn achte sy haer pijn, Want door u soet aenschijn,2 Tim. 4: 17. Can sy veel troost ontfangen.
Cookies on Poetry Cove