Stemme: Verheft u diep gesucht, &c.
Wat maeckt ghy Venus spruyt?
Wat maeckt ghy kleyne guyt?
Wat maeckt ghy doch in my, die niet van 't minnen houw
Om dat ick niet en vind' ghetrouheyt in Me-vrouw:
2 't Scheen eertijts wel te zijn
Of sy haer gunst tot mijn
Alleenigh stellen wou, maer ach! nu ick begin
Te vryen met het hert, ist maer beveynsde min.
3 Wegh, wegh, Cupido wegh,
Ghedoogh niet dat ick legh
Gevanghen en geboeyt in liefdens slaverny,
Al wat mijn Iuffrou doet, is niet dan beveynsery.
4 Schoon sy mu kusjes jont,
En dat haer lieve mont
Myn vriendelyck toelacht, on-minne teeckens toont,
Ten is maer veynsery, die in mijn Iuffrou woont.
Of sy my gunste biet,
Maer 't hert en meent het niet
Dies gaet het nu met my, ghelijckerwijs het doet
Als eener die bedeckt het bitter nut met soet.
6 't Soet dat sy toont aen mijn
Is soetheydt in de schijn:
Maer bitter in der daet, dies ick de min veracht,
Wegh, wegh, Cupido wegh, vertreckt uyt mijn gedacht.
E.V.