nae de wyse: Lof sy o Godt hoochsten Regent, etc. O Christus lief minnare // soet, 1. Pet. 1.19 Die my schinckt u dierbare // bloet, Nae u verlanght my t' allen uren, Luce 18.7. Soo den Hert sijnd' in vare // doet, Psal. 42/2 Nae de Fonteyne clare // vloet, In dorstich pijnlick besueren, Ick leve in sware dolueren Hoe langhe, Lief, sal dit ghedueren Wanneer sal ick uyt rouwen, sijn, Wanneer sal ick aenschouwen, dijn Aenschijn, schoon boven naturen? Psal. 42.3 O lief, in s werelts wijcke // niet Van my in gheen versijcke // vliet, Maer helpt my, dat mijn teere leden, Niet en buuyghen ghelijcke // riet, Maer van u soete Rijcke, siet My hier in dit dal beneden. Want ick vinde my bestreden, Van den Prince der duysterheden, De werelt in t' verstranghen // quaet, Alle dat nydich Slanghen // zaet, En laet my niet met vrede. Jonstich voor my gheneghen // hecht, Leydet my in uwe weghen // recht, door uwen Gheest, o Lief verheven, Want siet ick ben bedeghen // slecht, Luce 3.34. Een teecken daer elck teghen // seght, Voor raserye acht men mijn leven, Act. 28.22. En ick nochtans becleven
Sap. 5.4.Wt uwe zyde sonder sneven, U lief, u Bruydt, u Kercke // reen Ick doe door u, O stercke // steen, Matt. 16/18.Die Helsche poorten beven. O Prince der Princieren //jent, 1. Tim. 6.15.Ghy die herten en nieren // kent, Aenhoort mijn bitter claghen, Jere. 17.10Uwen Gheest goedertieren // sendt, Dat hy door zijn regieren // went Mijn ledekens nae u behaghen, Want t' sijn nu quade daghen, Eph. 5.16.Hierom, o Lief moet ick u vraghen, Sal ick van al dit lyden // vry, Met u niet haest verblyden // my, En s Levens Croone draghen? Een is noodich.
Cookies on Poetry Cove