na de wyse: Wy die rommen te syne, etc. Gen. 4/6.TOt Cain sprack de Heere Vrienden verstaet, Waerom wort ghy so seere Toornich quaet, Dat u ghelaet Verandert onbequame, Sijt ghy niet aenghename, Als ghy doet vrome daet. Maer so ghy van labeure Niet vroom sijt claer, So rust dan voor u deure, De zonde, maer En comt niet naer Haren wille te doene, Maer wederstaetse coene, En heerschapt over haer. Gen. 6/5.Godt sach der Menschen weghen, Als onverheucht, Hoe zy waren gheneghen Al van haer jeucht, Niet tot der deucht, Maer teghen zijn vermonden, In boosheyt en in zonden, Hadden een ydel vreucht. Beter is soo wy mercken, Den Man ghesint, Verduldich, dan den stercken,
Noch men bevindt, Pro. 16/32 So Schrift ontbindt, Dat die zijns moets een Heer // is, Al veel te prysen meer // is, Dan die steden verwint. Christus los van gheschille Matt. 20.28. Als knecht onvry, Dede zijns Vaders wille, Phil. 2.7. So moeten wy, Mat. 26.38. Hem dienen, hy Is een Heere ghepresen Joan. 5/30. Van den Sabbath by desen, Mat. 12/8 Laet ons hem blyven by. mar. 2/28. Want na des Schrifts verstanden, Eenen rust-dach Isser als noch voorhanden, Hebr. 4/8. Daer niemant mach Gen. 2/3. Doen, so hy plach, De vleeschelijcke lusten, Galat. 5/9 Van onser wercken rusten, Moeten wy met verdrach. Rom. 6/12. En laet ons met t' lichame Niet wesen saen De zonde gehoorsame, Noch onderdaen, Maer vyerich slaen, Eph. 6/13. En wel ghewapent vechten, Als vrome strijdtbaer knechten, Den vyandt wederstaen. Laet ons gheheel verlaten, Apo. 18/4. Babels belock, Aflegghen ende haten, Jude v/23 s' Vleeschs vuylen rock, Der zonden jock Van onse halsen dwinghen, En goede vruchten bringhen, Joan. 15/1 Aen Christum den wijnstock. Wy sullen wel beclyven, In vruchtbaer keest, Gala. 3/16
1. Pet. 2/11Als wy vast in hem blyven, En in den Gheest, Wandelen meest, So dat wy niet en dwalen, De rechte Haven falen, Deur vleesschelijck tempeest. Want Godt doch gheen becoren Yemandt aendoet, Jaco. 1/13.Maer elck tot quaet oorboren Wert overvloet, Becoort onvroet, Als hy werdt afghetoghen, Aenghelockt en bedroghen, Door lust van vleesch en bloet. Als die lust heeft ontfanghen, Consent en macht, De zond', een zaet der slanghen, Baert zy ter dracht, En dan met cracht, Baert die sonde versmadich, De doot der Zielen schadich. Wanneer zy is volbracht. Rom. 8/13Wie na t' vleesch leeft sal sterven, T' is waer bediet, Eeuwich Godts rijcke derven, Met groot verdriet, Godt en wort niet Bespot, wat wy hier saeyen, Sullen wy namaels maeyen, Dus elck wel voor hem siet. Al die om zijn vertroosten Saeyt op t' vleesch mal, Luc. 16/25De verderffenis oogsten Gal. 6/9.Van t' vleesch hy sal, Maer die hier smal, Saeyt op den Gheest becleven, Oogsten dat eeuwich leven Sal hy van den Gheest al. Rom. 8/13Ist dat ghy als den stercken,
Door s' Gheests ghehult De vleesschelijcke wercken, Door menichvult, Leven ghy sult, Dus Broeders na den heesche, Rom. 8/12 Te leven van den vleesche, En hebben wy gheen schult. Want na des Schrifts ghewaghen, Gheen Menschen fijn, En moghen Godt behaghen, Rom. 8/8. Die vleeschelijck sijn, Vriendekens mijn, Hier mede laet ick 't blyven, Godt wil u alle dryven, Door zynen Gheest divijn. Een is noodich.
Cookies on Poetry Cove