Op de wijse: O rat van avontueren. Singt met aendacht. Bedroeft ben ick van binnen O Vader Celestijn, Dat ick u niet can minnen Wt alder crachten mijn, Daer nochtans hert en sinnen Besneven moeten zijn, O Heer om sulck beginnen Laet my van u ghewinnen Des heylighen Gheests cracht devijn. 2Ica. 3. 3. Gheestich wedergheboren Moeten sy zijn publijck,
Die willen als vercoren Comen in sHemels rijck, IaMatth. 18. 3. omghekeert al voren, Den kinderen ghelijck Dienen sy na 't behooren Sterckt hier in Vader vercoren, Dijn hantwerck ghemaeckt van slijck. 3 T'onsen trooste gheschreven, Vinden wy claerlijck staen, Mat. 7. 7. Wie bidt, dien wert ghegeven, Die clopt, wert open ghedaen, En die soeckt in dit leven Die sal troost vinden saen, Hier in Vader verheven, Ons aertwormkens beseven, Laet uwe gaven omfaen. 4 Van uIac. 1. 13 Vader der lichten, Comen alle gaven goet, Daerom ons simpel wichten, geeft wijsheyt, maect ons vroet, Op dat wy moghen stichten, Elck een gheestich ghemoet, Oock vleesch, werelt bedichten, eph. 6. 16 En wederstaen de schichten, Van al Satans ghebroet, 5 OnsMatth. 10. 19. tonge, en mont regieren Wilt, Vader omnipotent, Op dat wy obedieren, Moghen u mandament, En in alle quartieren
Belijden u name jent, Na u wil en manieren, Leert ons van sonden vieren En volghen uwen wegh bekent. 6Matth. 7. 13. De wegh om tot u te comen Is smal so Schrift belijdt, T'vleesch kiest nochtans den crommen Ter Hellen breedt end wijdt, Maer bevrijdt, voort verdommen, Die u vreesen altijt, Der cranckheyt wy ons rommen, Maer Heere niet om sommen, Is u cracht ghebenedijt. 7Psalm 115. 1. Niet ons, maer uwen name Moet glorie gheschien, Col. 1. 18. Als t'hooft van het lichame Wilt ons cranckheyt aensien, Ende maeckt ons bequame Te leven na u ghebien, Want sonder u altsame Zijn wy onnut in fame, Sterckt ons Heere by dien. 8 Sterckt ons Heer int ghebueren, AlsIoa. 15. 1. Wijnstock,Col. 1. 18. Hooft, en Pilaer, Laet ons bloeysel ghedeuren. Ghelijck ranckskens vruchtbaer, Gheestich helpt ons verscheuren, Alle errueren swaer, Op dat wy tallen uren, Alsgal. 6. 17. nieuwe Creaturen,
Christum moghen volghen naer. 9 Om Christum herder reene, Na volghen tot des cruys doot, Ons verstroyt doopken cleene Staet by Vader minioot, Beschermt ons int ghemeene, Onder u vleughels groot, Want ghy en anders gheene Zijt ons beschutter alleene, Troost, toevlucht, schermschilt ter noot.
Cookies on Poetry Cove