Na de wijse: Ick heb een ghestadich minneken. Singt met aendacht. Een liet wil ick beginnen O jeucht hoort mijn bediet Wilt alle tijt versinnen, Wat u de Heere ghebiedt, 2. Ti. 2. 26. De lust der jonckheyt vliet, Wilt Godt van joncx op vreesen, V ouders ghehoorsaem wesen,
Dat bidd' ick u met vlijt, 2syr. 3. 3. Wilt doch u ouders eeren, O Ionckheyt wilt verstaen, So sult ghy van den Heere, De eeuwighe croon ontfaen, Ghy sult hoort mijn vermaen, Al by den Heere verheven, Eeuwich in vreuchden leven, So ghy goet hebt ghedaen. 3 Hoe goet soude het u wesen, O Ieucht hoort mijn vermaen, Dat ghy den Heere condt vreesen, Van uwer jonckheyt aen, En daer in vroom voortgaen, Al tot u oude daghen, So soudt ghy God behaghen So die schrift doet verstaen. 4 Hierom wilt u vercieren, O jonghe spruytkens soet, Met duecht en goe manieren, Bid ick u met ootmoet, Valt God den Heer te voet, Hy sal u niet verlaten, Maer comen u te baten, Al tot den eynde goet. 5Tob. 4. 10. Tobias leert, wilt achten, Laet doch die hooverdy, In woorden of ghedachten, Niet hebben geerschappy O Ionghe jeucht hoort my,
Wilt u doch niet begheven, Tot een lichtveerdich leven, Maer dient den Heere bly, 6 Ghelijck daer staet gheschreven, Tob. 3. 15. Van Sara hoort bescheyt, S'en heeft haer noyt begheven, Al tot lichtveerdicheyt, Sy heeft haer toegheseyt, Een man al in Gods vreesen, Wilt dit ghedachtich wesen. 7 Ick wil mijn liet haest enden, Dat is doch mijn begheer, Daer ghy u mochtet wenden, Te doen na Christi leer, Wensch ick van herten seer Dat ghy al na dit laven, Eeuwich meucht zijn verheven, Dat gheve u God den Heer. 8 Oorlof hier mede in desen Beveel ick u den Heer, Die wil u hulper wesen, O jonghe spruytkens teer, Dit is doch mijn begheer, Soeckt van u jonghe daghen Den Heere te behaghen, Op desen tijt niet meer.
Cookies on Poetry Cove