Na de wijse: Daer ick gisteravont quam, daer scheen de Maen soo claer. Singt met aendacht. Hoort vriendekens ghepresen, Ick schenck u een nieu liet, Ghy die daer zijt ghenesen Van dat eeuwich verdriet Leeft doch in sonden niet, Ro. 6. 4. Want sy worden begraven In de doot Christi siet, door d'oopsel, alst gheschiet, So ons Paulus bediedt.
2 Ghelijck als hem sijn vader Heeft vander doot verweckt, So moeten wy alle gader Verrijsen oock correckt, So de Apostel spreeckt, Ro. 6. 4. In een nieuw leven wandelen, Eph. 4. 23. Het vleesch aent cruys gesteeckt Coll. 3. 10. Een yegelijck hem breect Van t'quaet dat in hem steect. 3 Laet ons strijden als cloken Tot allen tijden snel, De mont Gods heeft gesproken Gen. 6. 5. ende 8. 21. Dat des menschen opstel Sijns hertsen, vaert wel, Boos is, van sijn joncheyt op, Och vrienden, hoe rebel Is ons natuers ghequel, Och siet op Gods bevel. 4 Daer moeten wy na leven Elck neme hemselven waer, Wy die ons hebben begeven Mat. 16. 24. Te volgen Christum naer, Hy was sijnen Hemelschen vaer Phi. 2. 8. Gehoorsaem, tot der doot des cruys, mat. 8. 34. Dat blijckt int openbaer, Luc. 9. 23. Dus laet ons allegaer, Sien op de schrift eenpaer. 5 Sy en sal ons niet bedriegen, Daer is wel op te staen, Ons eygen vernuft mach liegen,
Wy en hebben so veele niet aen Wt ons selven wilt dit verstaen, Als yet watgoets te dencken,2. cor. 3. 51. Na Paulus vermaen, De Geest Gods moet ons raen, Oft wy missen de baen. 6 Dus laet ons wel userenIo. 5. 39. De schrift, op dit termijn Ende niet disputeren Eph. 5. 1. Maer Gods navolgers zijn, Als lieve kinderen fijn, Ep. 4. 15. Weest oprecht in der liefden Doorsoeckt dat herte dijn, Daer gelt geen schoonen schijn, Alst binnen is fenijn. 7 God die heeft ons geroepen In vreden al ghemeyn1. Cor. 7. 15. Heb. 12. 1. Eenen camp te loopen, Door gehoorsaemheyt pleyn, Siet doch op Christum reyn, Ioan. 10. 4. Desen herder wil na volgen, Sijn stemme hoort alleyn, Sijn schaepkens kennen geyn Vreemde stemmen certeyn. 8 Sijn schaepkens uytvercoren, Die hebben sulcken aert, Sijn stem altijt te hooren,Matt. 5. 16. Hoort wat de Schrift verclaert God heeft een volck vergaertPhil. 2. 15. Dat moet zijn inde werelt een licht1. Pet. 2. 12.
Daertoe heeft hyse gebaert, Souden die dan eenpaer Lichtveerdich zijn, wat waert? Oorlof mijn lieve vrienden, Ick groet u, waer ghy zijt, Laet ons doch de sienden syr. 18. 30. ende 21. 2. Schouwen, met groot vlijt, Of de Heere quaem subijt, Blijft in de vryheyt staende, Gal. 5. 1. Daer u mede heeft bevrijt Christus gebenedijt. Ioa. 10. 3. Sijn stemme hoort altijt.
Cookies on Poetry Cove