Na de wijse: van den 6. Psalm. Wilt my niet straffen Heere. Singt met aendacht. Na t'avontmael devijne, Christus midden de sijne Staend', als ootmoedich knecht, Sprack met vriendelijck aenschouwen, Ioa. 15. 1. Ick ben, wilt dit betrouwen, Syr. 24. 22. Eenen wijn stock oprecht. mat. 15. 13. 2 Tot des ranckskens ghenesen, Is mijn vader ghepresen, Den bouwer wijs, en goet, Alle ranck in my gheene Vrucht draghend' int ghemeene, Sal hy afsnijden vroet. 3 Maer alle rancke weynich, Vrucht draghende, hy reynich En suyver maken sal, Op dat sy hem behaghe, End voorts noch vruchten draghe, Al veel meer int ghetal. 4 Ghy zijt nu altesamen, Gheworden reyn met namen, Ioan. 13. 10. Om de wille vant woort, Dat ick u heb ghesproken, Acto. 15. 9. End dat ghy onghebroken, Gheloovich hebt ghehoort. 5 Blijft in my en ick mede,
In u want so ter stede, Gheen wijnrancke, ten zy Sy aen den wijnstock blijve, Gheen vrucht brengt ten beclijve, Van selfs, sghelijcks oock ghy. 6 Ten zy dat ghy blijft stadich In my, ghy condt weldadich, Gheen vrucht ghebrenghen, want Ick den wijnstock vercoren Ben, ghy uyt my gheboren, De rancxkens wel gheplant. 7 Wie in my blijft eendrachtich En ick in hem waerachtich Die brengt veel vruchten, siet Want als u is ontoghen Mijn hulp. al u vermoghen, Om yet te doen is niet. 8 Wie niet in my volheerdich En blijft, al mijns onweerdich, Hy wech gheworpen wert, Ezec. 15. 4. Ghelijck de wijngaert rancke, Die vergaend' als de crancke, Afghescheyden verdort. 9 De sulcks men vergaren, Dan gaet, en sonder sparen, T'samen werpen int vyer, Daer sy moeten verbranden, Met pijne swaer, vol schanden: Gheschrey, en droef ghetier. 10 Ist dat ghy vast ghebonden
In my blijft t'allen stonden, Mijn woorden u effens dien, Ier. 29. 1. Blijven u die int midden, mat. 7. 7. Der herten, wat ghy bidden Iac. 1. 5. Wilt, sal u dan gheschien. 11 Daer in wort mijnen vader Ioa. 15. 8. Gheeert, dat ghy te gader Vruchten brengt overvloet, En dat ghy so by desen, Mijn jongheren gaet wesen, In mijn gheboden soet. 12 Ghelijck mijn vader blijde, My lief heeft t'allen tijde, So groote liefde claer, Draech ick u desghelijcken, Och blijft doch sonder wijcken, In mijnder lijfd' eenpaer. Ioa. 14. 15. 13 Ist dat ghy mijn gheboden Houdt, ghy blijft onghevloden, 1. Ioa. 5. 3. Dan in mijn liefde vast, Ghelijck ick int volbringhen, Oock houde alle dinghen, Wat mijn vader belast, 14 En ghelijck ick ootmoedich Blijft in sijn liefde gloedich, Dits u van my gheseyt, Op dat mijn blijschap blijve, In u, en dat beclijve,V blijschap seer planteyt. 15 Dat u blijschap volcommen
Zy, dat is t'eender sommen, Siet mijn ghebodt als nuLev. 19. 19. Ghy sult met reyne sinnen, Malcanderen beminnen,Ephe. 5. 2. Ghelijck ick dede u.Ioa. 13. 34. 16 Siet broeders, dits de mateIoa. 3. 16. En hebben vroech en late, Hier ghenoech aen te doen, Te rechte wy ons sullen, Voeghen om te vervullen, Als Christen rancken groen.
Cookies on Poetry Cove