Na de wijse: Rijst uyt des doots beswaren. Singt met aendacht. Een liet wil ick gaen singhen, Dit wel ghedachtich zijt, Dat hier nu alle dinghen, Ecl. 3. 1. Moet hebben sijnen tijt, Vergaren goet//oock scheyden doet, Al vallet dickwils swaer, Maer God die wil ons bringhen, Weder by een hier naer. 2 T'scheyden ware meer treurlijck Waer ons niet toegheseyt, By eencomste gheduerlijck Hier na in eeuwicheyt, 1. tes. 4. 18. Daer wy met vreucht//sullen verheucht, Altijts wesen by een, Als dan wert niet ghebuerlijck Dat wy dus sonden scheen.
3 Nadien wy moeten scheyden, Van een op dit termijn, ja. 14. 26. end 16. 12. Gods Gheest wil u gheleyden, End ons vertrooster zijn, Waer dat ghy gaet//wacht u vant quaet, Vreest Gods toornicheyt stranck, Wilt u alsoo bereyden, Want eeuwich is so lanck. 4mat. 5. 16. Laet u licht zijn gheresen, Voor elck een openbaer Dat daer door sy ghepresen, Vwen Hemelschen vaer, 1. Cor. 5. 3. Hoe wel dat ghy//sult zijn van my, Lichamelijck absent,Colos. 2. 5. Sal ick u nochtans wesen, Met mijnen gheest omtrent. 5 En wilt my niet vergheten, Somtijts te schrijven yet, Waer voor ick mochte weten, Oft u wel gaet oft niet, Doet ghy my dat//ick hoop oock wat, V desghelijcks te doen, Al sijn wy wijt gheseten, Laet liefde niet vercouwen. 6 Zijt mijns altijt ghedachtich Ep. 6. 19. In u ghebedt tot God. Die ons can stercken crachtich,Colos. 4. 2. Om doen na sijn ghebodt,Act. 20. 32. Ick wil oock dijn//ghedencken fijn, Want sulcx ons so betaemt,
Op dat ons God almachtich Weder brenght versaemt. 7 God die wil u bewaren, Ac. 20. 32. Ick beveel u den Heer, Tot dat wy weer vergaren, Daer gheen scheyden wert meer Adieu tot u, die hier zijn nu, Houdt die mijn vort ghesanck, Als een simpel verclaren, Voor een oorlof in danck.
Cookies on Poetry Cove