Een Liedeken op de wijse,Aenmerckt den tijdt.
O Mensch, ontwaeckt Wt den slaep der sond' schaeckt Eer v Gods toorne raeckt So zijt ghy wijs bedacht In liefden blaeckt En na deuchsaemheyt haeckt Die is van deuchden naeckt Neemt hier op goeden acht D'sulcken verpacht Godes gramschap en haet Seer quaet. Hout ghy menschen gheslacht Hier op lang v beraet? Wie weet of noch van nach V ziel wt tlijff niet gaet.
Act. 3. 19.Dies seg ick nochmael, betert v, en wilt v bekeeren Esai. 4. 3.Op dat uwe sonden werden wtghedaen Luc. 3. 3. etc.Alle dal sal werden veruult, elck berch hem verneeren Tghene dat crom is, salmen weder recht doen staen En alle oneffen weghen, vaet mijn vermaen Die sullen heel effen werden ghesticht Dies wacht v vande aenstaenden toorn voortaen En doet vruchten de bekeering waerdich, naer vromer plicht Siet de bijl is al op de wortel der boomen ghelicht En so wie egheen vruchten draecht bequamen Dien salmen, als onnut, daer met men niets wtricht Wtroeyen, en in tvyer werpen, naer betamen Doet noch boet, en penitenti, laet v des niet schamen
Daer van ons de Propheten en d'Apostelen gheuen Een goet voorschrift, en veel ander, wiens namen Sonder ghetal in tboeck des leuens staen gheschreuen Want Godt haet den menschen die booslick leuen.
Noch uyr noch tijt Doch dit, bid icks, wijs zijt, Die Christi naem belijt, Heeft v God ghegheuen Dies nv subijt Met naersticheyt en vlijt De sond' en boosheyt mijt Want die booslick leuen Hie beneuen Ieghens dien, sonder waen Is faen, Wilt vryelick beuen En sulcx ter herten slaen, Gods haet opgheheuen Om hem doen t'ondergaen.
Gene. 3. 24Om dat Adam en Eua hebben veracht Godes ghebodt, heeft God, deur haet dies sonden Hen wt tparadijs vestooten, waer deur tmenslick gheslacht Veel elenden noch onderworpen is t'desen stonden Genes. 4. 8.Om dat Caim zijn broer te slaen, hem heeft onderwonden Heeft hy Gods gramschap en haet op hem gheladen En na dat den mensch hem vermeerden in swerelts ronden Genes. 6. 5.So God sach hy in boosheyt opwies vroech en spaden En dat hy zijnen Gheest langs hoe meer ghinck versmaden Heeft Godt sulcken haet jeghens den mensch gheconcipieert Dat hem beroud' hy hem oyt wt ghenaden Ghemaeckt hadden: Ia heeft ten lesten vry onuerveert Gene. 7. 23Hem gantsch (behaluen Noë met den zijnen) ghedeleert Deur de Sondtvloet, dus mensch, wilt suchten en beuen En v vorich sondich leuen betren, tis Gods begheert Eer v niet swaerder straff' ouervalt hier beneuen Want Godt haet den menschen die booslick leuen.
Dat als een brant Gods toorn is altehant O mensch, an elcken cant Ieghens ons ontsteecken Sulcx dat wt tlandt En wt steden ghebant
Is weluaert: t'onser schant So ick onbesweecken Mach vry spreecken Sulcx onse boosheyt doet Onsoet, Die de deucht ghestreecken Is alt'ans metter spoet Ouer thooft: off smeecken Dies stilt Gods toorn met boet.
Prince. Ezec. 18. 23 33. 11.Den opperste Prince die is lanckmoedich En is den doot des sondaers met begerende Ioel 2. 13.Dan wil, so hy is bermhertich en goedich Dat hy leue, en hen tot hem is kerende Nochtans so yuerich, sulcx de schrift is lerende Deut. 5. 5.Dat hy hem, de misdaet der vaderen niet onthoudt Aenden kindren te straffen, en boosheyt is werende Twelc noch cont doet, dees huydigen dach ons ionck en oudt Om dat eer ons vaders leefden in sonden menichfout En daghelicx waren seer schantlick volsopen Ioan. openba. 17.Wt den drinckbeker vol gruwelen, hen ghebrout Vande Hoere van Babylon, sietmen t'ons becopen Met oorloch, pest, diertijt, ons sulcx hebbend' onderschopen Dat wy ouer al t'hans comen in tsneuen En ten zy wy den tijt der ghenaed' al t'hans stand' open Noch beter waernemen, ons wil erghers aencleuen Want Godt haet den menschen die booslick leuen.
Prince.
Prince die ient Regieert het firmament Ansiet doch ons elent O goedertieren Heer Dijn haet dien went Van ons, en dien toesent D'vyant seer wel bekent Die tot dijn woorts oneer Dat bespot seer Pays en vreed' ons toeveucht Dan vreucht Sal ick angrijpen weer En sal zijnde verheucht Te leuen na v Leer Daerin Rapen gheneucht.
Volbrengt Lief.
Cookies on Poetry Cove