Een nieuw Liedeken op de wijseoch hoe legdy nu en slaept // mijn wtvercoren blome.
Menschen laet v sonden swaer So suldy niet versmoren En neemt uwen tijt wel waer Van v sal scheyden Godts haet en toren Wie nae den vleysche leeft De schrift seyt hem te steruen Wie hem tot Godt noch gheeft Die mach Godts rijcke verweruen Hoe seer hy hier heeft ghesneeft De vyant en can hem niet bederuen.
Besiet waer door Israel quam int verseren Exod. 3. 24Doen sy t'gulden Calf voor Godt ghinghen eeren
Den haet Godts heeftse mede beuanghen Num. 21. 6Sy mosten ghedoghen der slanghen temteren Want niemandt en constet van hem keren Num. 21. 9Tot dat Moyses tmetalen Serpent heeft op ghehanghen Door tbooslick leuen brochten sy haer int verstranghen Int murmureren gheschiedet des ghelijck Exod. 16. 3Corach Dathan en Abiram namen haer ganghen Nu. 16. 31.Tot boosheyt waer door sy versoncken doort aertrijck Die aerde opende haer in een ooghenblijck Doort booslijck leuen sachmense neder dalen Godt haten het sondighen door Dauids pracktijck 2. Reg. 11. 4Doen hy Bersebea tot hem dede halen 2. reg. 11. 14Daer door mostet Vrias met den doot betalen 2. Re. 12. 10Waerom Godt zijn straffe hem heeft ghegheuen Want Godt haet den menschen die booslick leuen.
Op Godts woorden slaet toch acht Betrout den Heer der Heeren Want schreyen hy doch verwacht Die haer tot wellusticheyt hier keeren Men siet dat haren staet Hier tijdtlijck moet verganghen Sy hebben valschen raet Godts gheest connen sy ontfanghen Besiet hoet nu met haer gaet Het booslijck leuen heeft haer beuanghen.
Anmerct die boosheyt der Beniamijten voorwaer Iud. 19. 25Doen sy sondichden an den Leuijt zijn vrou tis claer Iud. 20. 35Den haet Godts heeft haer deerlick ghecastijt Sam. 13. 9Noch Saul diet Priester ampt heeft aenghetast daer sam. 16. 14.Godt heeft hem ghesonden die plaghen swaer sam. 15. 23.Ende ghestraft al op den seluen tijt 2. reg. 13. 14Amon vercrachte zijn suster seer subijt Tbooslick leuen heeft hy te werck ghestelt 2. reg. 13. 28Waer door Absolon werde ontsteken met nijt En dede dat zijn broeder werde neder gheuelt Hy vervolchde oock zijnen vader so de schrift vermelt 2. reg. 18. 9.Waer door hy bleef hanghen in lidens noot Den haet Godts heeft hem oueruallen twert v ghespelt Doort booslick leuen brocht Abimelech ter doot Iudic. 9. 5.Tseuentich broeders tis te beclaghen groot Iudic. 9. 54Waer door hem Godt wech dede somen vint beschreuen Want Godt haet den menschen die booslick leuen.
Staet op en maeckt v bereyt
Godts haet sal v verlaten Doet nu aen v bruylofts cleyt Een Christelijck leuen wilt anvaten Ghy crijcht den rechten wijn Die v Godt dan sal schincken Arbeyders sult ghy zijn Nieuwen most sult ghy daer drincken In tnieuw Ierusalem fijn Sullen sy tsamen in vreuchden blincken.
Prince.
Tboosselijck leuen sachmen bederuen Van Achab en Iesabel al sy deden sweruen 1. Reg. 18. 4Godts Propheten en hebben haer om tleuen ghebracht 2. reg. 9. 36.De tanden der honden sachmen haer door keruen 1. Coning. 21. 16.Om dat sy Naboth wijngaert, Achab, dede eruen So is sy verscheurt en deerlick versmacht Besiet hoe die Heer t'booslick leuen veracht 1. Reg. 11. 4Salomon en dient hier oock niet vergheten D'afgoden beminde hy met gantser cracht 1. reg. 11. 30Waer door zijn rijck wert ghescheurt en ghespleten Och hoe menich isser vernielt ende verreten Dan. 13. 62Ghelijck die buuen Susanna vaet dit bediet 1. Macha. 1. 11.Antiochus, Herodes hooch gheseten Matt. 2. 16Oock Iudas die hem seluen brocht int verdriet Matt. 27. 5Och dit is altemael door booslick leuen gheschiet Datse Godts hant tsamen dus heeft verdreuen Want Godt haet den menschen die booslick leuen.
Prince.
Al watmen ter werelt siet Men vinter niet duyrachtich Dus hout v wt het verdriet Godt straft den mensche zijt dit ghedachtich Weest niet verslaghen seer Hy sal v haest ontladen Stelt v vroom inde weer So can v niemant versmaden Neemt an zijn oprechte leer Sijn heylich woort can ons al versaden.
Den Olijuenboomt'Spruyt wt lieft.
Cookies on Poetry Cove