Een Liedeken.
Godt haet der menschen leuen // die de boosheyt ancleuen En verlaet // met versmaet // des Heeren goeden raet Die hem niet wil begheuen // tot Godt den Heer verheuen Hy aenvaet // metter daet // op hem veel straffen quaet Maer die comt tot berouwen // in tijts van sonden weer Sal lieffelick aenschouwen // ghenade voor den Heer Maer so wie hem niet tot Godt omwent Naeckt elent // Godts haet de straff tot hem sent.
Genes. 4.Dat Godt haer is hatende die leuen booslijck Genes. 7.Is aen Caim en by Noës tijden ghebleecken Genes. 11.Int bouwen van Babel Godt haer verwerde looslijck Sapien. 10Waer deur haer quaden aenslach aen stucken most breecken Genes. 9.Sodoma en is van haer boosheyt niet gheweecken
Deute. 29.Hoe haer Godt daerom haete beuintmen openbaer Eze. 13.Pharao booslick leuende vol valscher treecken Ieremi. 50.Vraecht Moysem wie is desen God die ghy maeckt so swaer Exod. 8. 13Dies hem door zijn boosleuen volchde veel straffe naer Iere. 3. 4. 5. 6. 7. 8.D'Israëlieten door der sonden aenhanghen Exod. 22.Heeft Godt ghehaet en ghestraft het blijckt seer claer Psalm. 5.Godts haet bracht Hely oock in groot verstranghen Num. 6.Door zijn boosheyt is hy Godts straffe niet ontganghen 1. Samu. 2Van Sauls boosleuen staet claerlick me beschreuen 1. Samu. 4Godt haete hem, heeft Dauid als Coninck ontfanghen Samu. 13.Daerom alle boosdaders die moghen wel beuen Iudic. 9.Want Godt haet de menschen die boosselick leuen.
Genes. 3.Door Adams quade seden // was tghebot Godts vertreden Is gheplaecht // heel vertsaecht // wt tparadijs gheiaecht, Want Godt haet de boosheden // castijt altijt met reden Hy verdraecht // en beclaecht // en straft alst hem behaecht Genes. 19.Sodoma is beduruen // Gomorra leyt in schant Die menschen zijn ghesturuen // en metten vyer verbrant Exod. 32.D'Ysraliten quamen oock in noot // Inde doot // doen sy tCalf aenbaden bloot.
2. Reg. 9. 14 15. 31. 27.Alsment all doorleest oock de boecken der Coninghen Hoe sy in boosheyt staecken en tot quaet gheneghen Dies Godt oock haer straffe sant tot looninghen Reg. 5. 6.Ghelijck Ieroboams gheslacht wel heeft ghecreghen 1. Re. 16. 22Rehabeam, Abia, ten dient niet versweghen, 3. Reg. 10.En Simrij, Amrij, Achab en oock Iesabel 2. Reg. 11.Ioram en Athalia ghinghen veel quaets pleghen Para. 22.Amasias leuen en behaechde Godt niet wel Reg. 14.Dus daer Douerste doolt volcht de ghemeente snel Esa. 14.Somen claerlick door de gantsche schrift mach speuren Iose. 13.Oock waren de heydenen meest al quaet van opstel Iob 34.Somen aent schrijuen mercken mach van veel aucteuren Diogenes roept menschen Aristoteles vlijet voor Afgoden dienst.So datmen deur Godts haet veel plaghen sach ghebeuren Ouer haer want sy Godt noyt en quamen beneuen Die Godt inden gheest kende hebben moeten treuren Om dat de sondaren euen boosdadich bleuen Want Godt haet de menschen die boosselick leuen.
Num. 11.Moyses suster haer sonden // haete Godt tot dier stonden Haestich daer // quam op haer // de straffe Godts voorwaer Num. 16.Chore Dathan beuonden // zijn in d'aerde verslonden Godts haet claer // straft seer swaer // boosheyt int openbaer 1. Sam. 2.Godt heeft Heli verwaten // om dat hy strafte niet Zijn kinderen by maten // dies quam hy int verdriet
Sam. 24.En door Dauids houerdy aenhoort Sijn versmoort // veel duysent menschen vermoort.
Prince.
All waren dees (Prince) vol uyterlicke sonden Daer zijn noch ander vol hypocritichsche spraecken Haer selfs heylich houdende tot allen stonden Die de schrift deur lesen daerse naerstich in waecken Maer ofse vande letter gheen Afgodt en maecken Bidde ick met vlijt datse daerop willen achten Die gheestelicke en waerlicke sonden staecken Voorwaer Godt en treckt niemant ten hemel met crachten Matth. 25Dus laet ons al de vijf wijse maechden slachten Thess. 5.En nemen exempel aenden boom sonder vruchten Marc. 11.Anania en Saphyra hout in ghedachten Luc. 13.En noch ontellicke meer ten zijn gheen cluchten Actorum 5.Alle menschen lieghen, voor v sonden wilt suchten En niet langher als den spin bedrieghelickheyt weuen Denckt als Godt sal verschijnen in shemels ghehuchten Wat loon hy dan den sondaers rechtelick sal gheuen Want Godt haet de menschen die boosselick leuen.
Prince.
Dit machmen Prins nu mercken // God haet ons boose wercken Straft subijt // comt met vlijt // oorlooch en diere tijt, Tweedracht in allen percken // dissenty inder kercken Haet en nijt // twist en strijt // niemant de boosheyt mijt Elck een wil hier op dencken // v voort van sonden wacht Off Godt sal ons meer crencken // den boosen niet en slacht Bekeert v van sonden leeft in deucht Met gheneucht // zijn die in Godts troost verheucht.
Cookies on Poetry Cove