Refereynen ghepronunchieert opte intreden binnen der stede van Delft

Refereyn op den Reghel.

Luce 11.Godt den Vader der vaderen seer hooch ghepresen Genes. 1.Die den mensch op aerden nae zijn euen beelde schiep 2. Corin. 6.Een almoghende Godt is hy, so wy dat lesen Genes. 2.En den mensch een gesellinne maeckte daer hy sliep Ionas 1.Door zijn beuel so wast oock dat Ionas liep Ionas 2.Tot die van Niniue verstaet recht den grondt Ionas 3.Betert v betert v, so wast dat hy riep Off v luyden sal naecken in corter stondt Den grooten toorn des Heeren ick doet v condt Want Godt wil die boosheyt altesamen bederuen Doen sy haer beterde is hen graci gheiondt Psalm. 36.Want den boosen en sal t'Coninckrijck niet eruen Leuit. 10.Maer als Nadab, en Nabihu sullen sy steruen Apocal. 12.Salich is die int boeck des leuens wert gheschreuen Op een ysere greffy doet Godt keruen Sophon. 1S'menschen boosheyt, en die sullen voor t'oordeel beuen Colossen. 3Want Godt haet den menschen die booslick leuen.