Een Liedeken.
Ghy menschen op der aerden Die van Godt gheschapen zijn Wilt haestelick aenvaerden Godts woort op dit termijn Daer wt so sult ghy leeren V tot deuchden te keeren Off ghy comt int verseeren Want Godt haet boosen schijn.
1. Ionas 2.Godt en is gheen beminder der booser menschen Genes. 19.Alst aen Sodoma en Gomorra is ghebleecken Hy haet die haer leuen leyen naer Duyuels wenschen Luc. 10.Laet ons van Chorasin en Bethsaida spreecken Godts ghenade is van de godtloose gheweecken Baruch. 6.En vanden Afgoden dienaer so Baruch seyde Matth. 11.T'boos leuen van Tyro Sidonem ghing Godt wreken
Ezaias 23.Om dat sy vanden waerachtighen Godt scheyde Ezaias 15.Die van Moab op de leuenden Godt niet beyde Amos 2.Daerom heeftse Godt met verwoestheyt gheslaghen Exod. 32.Godt tot wraeck hem ouer Israël bereyde Numer. 11Door t'bidden van Moyse sy versoeningh saghen Actor. 5.Om dat Ananias louch ontfinck hy plaghen Den quade moordenaer wort gheen ghenae ghegheuen Luce 25.Want hy Godt lasterde, ist niet te beclaghen? Hier om bidt so sult ghy door Godts gheest zijn ghedreuen Collossen. 3Want Godt haet den menschen die booslick leuen.
Hierom wilt toch afkeruen V boose leuen quaet So sult ghy Godts rijck eruen Tis een goet toeuerlaet Ghy sult dan zijn ghenesen Van sonden so wy lesen Dus wilt den Heere vresen So blijft ghy wt zijn haet.
Parali. 28.Noch bewijst, dat Godt altijt de boosheyt haet, Schriftuere, als door een spieghel wilt dat aenschouwen Want perfectelick dat wel gheschreuen staet Doen Godts en smenschen kinderen wilde trouwen Genes. 6.In boosheyt sy volherden en twas berouwen Godt, als dat hy oyt den mensch hadde ghemaect 1. Corint. 6.Voor den boosen sal Godt tConinckrijck niet houwen Matth. 5.Maer voor den rechtveerdighen den sin wel smaeckt Matth. 25Den ongherechtighe wort van Godt versaeckt Ephes. 5.Dat hemelsche Coninckrijck en sal niet ontfanghen Den boosdoenders, want sy hebben niet ghewaeckt 2. Corint. 5Maer die als Paulus heeft groot verlanghen Iosu. 14.Off den selfde die daer gaen, Calebs ganghen Sullen inden hoochsten troon zijn verheuen Luc. 22.Bidden als Petrus met beschreyde wanghen, 2. Timot. 4Op dat wy met Alexander niet en sneuen Colloss. 3.Want Godt haet den menschen die booslick leuen.
Die op den Heer betrouwen Sullen vast blijuen staen Ten sal haer niet berouwen Die deucht hebben ghedaen Maer den Heer altijt louen Die om ons was verschouen Sijn graci comt van bouen Hy sal ons niet versmaen.
Prince.
Prince dat Godt een ahter is der boosen Abacuc. 3.Wort ons hier door de Propheten wel gheleert Timoth. 6.Paulus seyt dat op de ghierighe en godtloosen Collos. 3.Comt zijn gramschap want hy van die sulcke weert Sijn ghenade, dus hy haer ghedachte verkeert Roman. 1.In een onbedachtsamen sin so gaen sy voort En dat niet betamet wort van haer ghevleert Roman. 2.Godt sal die verachters straffen vant Godtlick woort Ezechiel. 18Want op die quaet leuen leyers hy hem verstoort Also ons den Psalmist dat wel gaet ontwinden Genes. 22.Dus tot ghehoorsaemheyt toch al v leuen spoort Matth. 25So sal den Heere segghen comt mijn beminde In t'rijck der Hemelen ghy mijns vaders ghesinde Marc. 7.Want salich zijnse die in Godts Iock zijn ghebleuen Actor. 5.Volcht niet nae Theudas een leytsman der blinde Ioan. 1.Laet ons die aenghewesen liefde aencleuen Colloss. 3.Want Godt haet den menschen die booslick leuen.
Prince.
O Princelicken Vader Ansiet die Ionckheyt bloot Sterckt ons toch allegader Ghy zijt alleen ons hoot Door v ghenadicheden, Schenckt ons d'ewighe vreden Wilt toch v teereleden Bevryden van die doot.
Ansiet die Ionckheyt.
Cookies on Poetry Cove