Refereyn op den Reghel.
Hoe leeft nu den mensche int swerelts foreest
Hoe heeft de boosheyt nu d'ouerhant ghenomen
Hoe soeckt men pracktijcke minst ende meest
Hoe loopt het volck nv met swaeren tempeest
Hoe ruysense nv om haer ziele te verdomen
Hoe verdrucktmen nv wel te rechte den vromen
Hoe gaet het met dese boose werelt nv toe
Hoe gaet den mensche voor malcanderen schromen
Ghelijck een kint dat gaet voor de roe
Den mensche is vol bedroch hy en wert niet moe
Tis al rappen schrappen hoe hijt best can crijghen
Loopt hem dan tfortuyn teghen hy wil zijn selfs verdoe
En die nae haer wille niet en doet moet dickwils swijghen
Dus moet den gherechtighen in alles prijghen
Ende voor den boosen seer dickmaels beuen
In grooten arbeyt moet hy swaerlick stijghen
Want Godt haet den menschen die booslick leuen.