Refereyn.
Gene. 3. 6.Adam was tot boosheden gheneghen
Gen. 33. 23Waer doer hy wt den paradijs werde ghesleghen
Want den haet des Heeren, is op hem ghecomen
Waer door hy alle catiuicheyt moste dreghen
Als wy in Genesis vinden merct dit te deghen
So datmen hem sach beuen ende schromen
Genes. 4. 8.Caim heeft zijnen broeder tleuen benomen
Waer om hem Godt heeft ghehaet ter seluer stont
Waer door ghinck Godt die werelt verdomen
Dan om haer booslijck leuen ick doet v cont
Gene. 7. 17Den haet Godts lietse verdrincken inden gront
Gene. 9. 22Het beschimpen Cam heeft Godt mede ghehaet
An zijnen vader ick seght v goet ront
Gene. 37. 4.Oock den nijt an Ioseph ghedaen met ter daet
Den Heere heeftse gheloont iae quaet met quaet
Waer door hem sommighe brochten in sneuen
Want Godt haet den menschen die booslick leuen.