§ Liedeken.
§ O Broeders wtvercoren // wilt v al verblijen, Gods goetheyt dier ghesworen // is ons een bevrijen, Uoor tvlees druck en lijen, laet svlees lust doch lijen,
Den Gheest zeer gratieus // sal v berueren, Sijn Goetheyt amoreus // sal eewich dueren.
Dus wilt den Heere singhen // met blijden gheeste, Een Lieken nieuwelinghen // minst ende meeste Uan Sions blijfeeste // t'is des Heeren Feeste, Noyt blijschap was soo goet // tot gheender ueren, Sijn Goetheyt diet al doet // sal eewich dueren.
Wie sal des Heeren wercken // cunnen deurgronden? Die van hem t'allen percken // groot zijn beuonden: Dus schout doch de sonden // want hy is ons ghesonden Om maken ons sijn Saet // hemelsche Figueren, Sijn Goetheyt delicaet // sal eewich dueren.
De Heere goedertieren // heeft sonder ophouwen, Tsvaders gramme manieren // met hem selfs vergouwen, Om sijn Bruyt te trouwen // dat is ons betrouwen, En heeft ons voortgheleyt // wt allen trueren, Sijn Goetheyts Maiesteyt // sal eewich dueren.
Die Heere vol Ghenaden // en Godlijcker minnen, Quam hier ons last ontladen // ter Węrelt binnen, D'Leuen voor ons winnen // en de doot verwinnen: Want hy de bitter doot // voor ons ghinck besueren, Sijn Goetheyt also groot // sal eewich dueren.
De Heere vol Uictorien // en eewich verheuen, Is in sijnder glorien // den Uader beneuen, Ons voorspraeck gegheuen // om tmisdaets vergeuen, Op hem doch vast betrout // int tswoorts volvueren, Sijn Goetheyt menichfout // sal eewich dueren.
Dus wilt den Heere louen // en danck bewijsen, Want tcomt ons al van bouen, dwelck ons can spijsen
Bouen alle Prijsen // ist niet om volprijsen, Die Liefde die hy toont // aen sijn Creatueren, Sijn Goetheyt rijck ghecroont // sal eewich dueren.
Cookies on Poetry Cove