§ Prince.
D'Ouerheyt moetmen ghehoorsaem wesen,
Ghelijck Christus ghehoorsaem was ghepresen
Sijnen Hemelschen Uader, als behoort,
En onghehoorsaem noyt en is gheresen
Uan hem: in sulcke weghen volcht Christus voort
T'ghehoorsamich Ghebot van t'Goddelijck woort,
Soo suldy die eerlijcke Ruste schoone
Besitten, daer de doot is (naer t'schrifts rappoort)
Uerslonden in de Uictorie ydoone:
Maer gheeft God dat God toebehoort inden throone,
En den Keyser dat hem toebehoort, want
Ghehoorsaemheyt houdt den Mensche persoone
In Gherusticheyt sonder de welcke (triumphant)
Gheen Rijcke en bleeft gheduerich playsant,
Noch Ghemeynte en wort gheregeert, iae vatet tslot,
Niet en blijft in Rusten dan door haer elegant,
Als d'Ouerheyt ghehoorsaem is Godts Ghebot.