§ Liedeken op de wijse,Israel wilt v verblijen. &c.
GOdt hadde naer sijn Herte vonden, Uol goede gronden, Dauiden zeer verheuen, Den Gheest Godts weeck ten seluen stonden, Al om de Sonden, Uan Saulen al sijn leuen, Alsoo werdt hy van hem ghedreuen,
Wie dat rebelleert teghen Godt minioot, Als is hem voorspoet, hier ghegheuen Naer t'Soete comt ghęren t'Suere groot.
Dauid op Christus is een Figure Naer der Schrifture, Soo Dauid wt Saul ioech, Den boosen gheest, door t'spelens cure, Als bleef hy sture, Dauid nochtans hem Liefden droech, Ts'ghelijcx dede Christus oock ghenoech, ii. Duyuel, en Helle leydt hy onder voet, Doot, Sonde, hy met t'Cruyce versloech, Soo Dauid verdreef Sauls boose Woet.
Wat baette Sauls benijdinghe? Oft sijn strijdinghe, Teghen Dauidem eenpaer, Als Dauid sonder vermijdinghe, Met verblijdinghe, Hem groote Liefde droech, voorwaer, En t'quaet met t'goet, loonde openbaer, ii. Gheen wrake heeft hy voor hem ghetoont, Mits dat hy wist de Schrifture claer, Gheeft my de Wrake, sy werdt gheloont.
Saul en wildes niet ghedooghen, Dat voor sijn ooghen, Dauid soude staen present, Daer hy hem sach veel Ionsten tooghen, Onder hem booghen, Dwelck al den Heere was bekent, Daer hy altoos was diligent, ii.
Om te beschudden t'volck van Israel, Nochtans daer niemant soo excellent Die Saul const vermaken deur tspel.
Te voren hadhy hem versleghen, Daer niemant teghen En dorst te Strijde gaen: Wie heeft sulcke Uictory creghen? T'dient niet ghesweghen, Deur Liefde heeft hijt al ontfaen, D'Orloochs cracht en mocht hem niet schaen, ii. Noch t'Philistijnsche Heir, groot int ghetal, Noch voor Beir oft Leeuw was hy belaen, Die in Liefden blijft, verwinnet al.
Elck volghe dan Dauids manieren, Reyn int vercieren, Wildy van God zijn bemint, Wilt uwen vyant obedieren, In v hantieren, En ghy alsoo sijn Siele wint, U Ureucht en Blijschap van v beghint, ii. Dat Liefde soo, tot uwen broeder streckt, God is v Uader, en ghy sijn Kint, Want Liefde menighe Sonde deckt.
Al waerdy oock in alle Stede, Niewers met Ureden, Dinckt t'moeste Dauid gheschien, Danckt den Heere in v Ghebeden, Peynst, t'zijn de Seden, Dauid moeste selue wel vlien, Maer en wilt niemant quaet voor quaet bien, ii.
Was Christus vervolghet, op dat termijn, Men sal vande Cnapen t'selue sien, Soudense beter dan den Meester zijn?
Cookies on Poetry Cove