Bruessel. Corenbloemken. Ievcht sticht vrevcht. T'is al wt Liefden.
HOe hoortmen, en sietmen nu de Landen goet, Uol Turbatien onder groot en cleyn, En al om d'Woordt Godts dat Hemels Broot soet, Sietmen nu veel dolinghen deur t'Ghelooue reyn, Onder Gheestelijcke, Węrelijcke ghemeyn: D'een ghelooft aldus, en d'ander alsoo, siet: D'een aenbidt de Heylighen in ts'Węrelts pleyn, De Santen en Santinnen, en d'ander niet, Dit nu alle daghe ouer al gheschiet: D'een duncket met allen goet, en d'ander quaet, Dus bringhen sy malcanderen int verdriet, Ia, inde doot sonder eenich verlaet, En sy vergheten de Liefde, dat suyuer Saet, Die ons beuolen is deur t'Goddelijck ontvouwen, Segghende, Hebt d'een d'ander lief sonder haet, Soo ick v lief ghehadt heb sonder verflouwen, Want oprechte Liefde can Pays en Uré houwen.
Elck wilt hem nu metter Schriftueren moeyen, En elck wiltse nae sijns selfs Sin verstaen, Wa, ghelooft in Godt diet al doet groeyen, Diet voor ons al heeft vervult en voldaen: En wilt uwen euenen Naesten niet versmaen, Maer doet hem als v seluen, seyt die Heere. Is uwen Naesten belast, met druck bevaen, Staet hem by, troost hem van sijnen Seere, Is hy cranck, besoeckt hem: t'is v eere. Heeft hy hongher oft deurst, wilt hem spijsen: Alsoo ghy wilt dat v ghebeurt t'elcken keere, Dat selue suldy uwen Naesten bewijsen, Dit is de rechte Liefde niet om volprijsen: Dat elck Liefde hadde alsoo sy souwen, De landen souden in Rusten verjolijsen, Liefde bringt Eendrachticheyt by mans en vrouwen Want oprechte Liefde can Peys en Uré houden.
Uande Schriftuere hoortmen elck nu spreken, Segghende, dit staet hier gheschreuen, en dat daer: T'willen al Doctoren zijn gheleken, Maer sy en volghen de Liefde niet naer, Want sy bedrucken malcanderen voorwaer, Elck dunckt sijn Ghelooue d'beste wesen: Broeders en wilt soo diep niet dubben, maer Wilt uwen Credo zeer wel deurlesen, En uwen Uader onse, hooghe gheresen: Achtervolcht dien, en houdt v daer ane, En v Thien Gheboden, als nu ten desen, Daer staet, Bemint alleen (met corten vermane) Eenen Godt, uwen Naesten pijnt by te stane,
Als v seluen het wordt v vergouwen, Hebt hem lief, pijnt hem in ootmoet te ontfane, Oft doedy anders, het sal v berouwen, Want oprechte Liefde can Peys en Uré houwen.
Cookies on Poetry Cove