§ Prince.
Eensins ghesint in rechter maten,
Gherechtighe Obedientie van d'Ondersaten,
Warachtighe Kennisse vanden Ouerhoofden,
Oock van Heeren, Uorsten en Prelaten,
Waer gheen aenschout van Ghelde in rechter staten,
Daer de Knechten ghetrouwicheyt niet en cloofden,
Uan haren Heeren onderdanicheyt niet en roofden:
Ureese van Godt, met Berou van Sonden,
Dat elck hielt dat sy beloofden,
Dat elck de Schriftuere liet te vermonden
In vreemde Leere, noyt sulcx gheuonden,
Waren gheen Ketters onder Christenen bleuen:
Dede elck soo hy wilt hebben, t'orconden
Neme ick aen v Corenbloeme Gheesten verheuen:
Hebb'ick ghefaelt, willet my vergheuen,
Hier mede vreest Gode, Gheesten vaillant,
Dusdanighe in Rusten houwen d'Lant.