§ Prince.
Maria Godts Moeder suyuer en reene,
Was in t'Ghelooue oock zeer sterckelijck staende,
Doen hy in haer Camer zijnde alleene,
Also ons kenlijck is al ghemeene,
Gabrielis soet Groeten was ontfaende
Dat niet versmaende
Als de verwaende:
Maer sprekende soet,
Als die in Ootmoedicheyt voort was gaende,
Siet hier ts'Heeren Dienstmaecht in elcke maende,
In Syon haer dwaende,
Dit zijt ouerslaende
Met sinnekens vroet,
Magdalena oock deur t'Ghelooue ouervloet,
En t'Cananeets vrouwen hebben troost ghecreghen,
Waer t'Gelooue cracht heeft daer crijghet voorspoet
Tsticht Pays en Ruste goet in alle weghen
In Siele, in Lije, dus wyer seght teghen,
In Rusten can houden onghecesseert,
T'Ghelooue op Christum wel sterck ghefundeert.