§ Liedeken op de wijse, Een nieu Liet heb ick ghedicht met also dommen sinne.
DE Musijcke en de Wijn // op elck termijn, Die connen t'Hert verlichten, Maer Godts Ureese fijn // moet beter zijn, Sy can den Gheest wel stichten: Het Snaerspel is om hooren soet, Godts Ureese werdt meer ghepresen: Soo wie is vroet // Godt vreesen moet, Die crijcht al metter spoet // de Ruste goet, Godts Kint soo sal hy wesen.
Ghy Hoofden fier // van groot bestier, Godts Ureese en wilt niet haten Al zijdy tsLants Princier // tzij daer oft hier, Ghy moetet corts al laten Peyst wie hy is // die v hier sant, U seluen wilt wel bekinnen, T'Rijckdom abundant // compt wt Godts hant, Regeert v Lant // met goet Uerstant, Soo suldy Ruste winnen.
Ghy Iugen al // bee groot en smal, Ureest Godt, tot allen stonden, In d'ęerdtsche dal // vreest voorden val, T'Recht wilt doch wel deurgronden, U last vermaert // met vreesen bewaert, En latet Recht niet wijcken,
De goede Lieden spaert // de Quade beswaert, Soo werdt der Rusten aert // met v ghepaert, Tslants Ruste sal dan blijcken.
Ghy Ledekens v Hoot // tzij cleyn oft groot, Wilt gheerne obedieren: Ontsiet de Princen bloot // dit is wel noot, Slacht niet den Putertieren: Maer vreest wt Liefden, of t'is al quaet, Soo en durfdy gheen Ruste wenschen, Dat anders gaet // nu vroech en laet, T'is dat der Ureesen haet // nu bouen staet, Men vreest noch Godt noch Menschen.
Godt vreesen reen // comt ouer een, Met Wijsheyt en met Minne Godts Ureese wilt verbreen // bee groot en cleen, Ghy compt ten Hemel inne, Die niet en vreest, God niet kent, Onruste, sal hem byblijuen, Godts Ureese zeer jent // is nu gheschent, Dus is de Ruste absent // elck is verblent Int vechten, en int kijuen.
Ghy Christen Broeders hoort // hout minlijc accoort, Dats, Ureest den Heer der Heeren, Al gaet den Twist nu voort // al ouerboort, Ick hope tsal corts keeren, Wou yeghelijck in hem seluen gaen, Sijn eyghen Huys regeren, De Landen souden saen // gherustelijck staen: Dus siet v seluen aen // hoort mijn vermaen, Den Twist sal haest cesseren.
O Menschen cranck // schout tshellen stanck, Daer altijt is Turbacy: Want Godts Ureese vranck // daer gheen gheclanck En heeft, noch ook gheen stacy, Maer wilt ghy commen ten Hemel claer, Ureest, mint, en wilt Godt betrouwen, Soo blijft ghy hier naer // in Rusten eenpaer, En altijt sonder vaer // int openbaer Sult ghy den Heer aenschouwen.
Cookies on Poetry Cove