Audenaerde. Pax vobis. Ick mercke de Ionste.
DIe tseuentich Ouders, soo daer staet geschreuen De welcke regeerden Israel verheuen, Binnen Moyses tijden, Heeft Godt den Gheest des Wijsheyts ghegheuen, Op dat sy rechtveerdich souden zijn beseuen, En sijn Woordt belijden, Niet wijcken ter eender noch ter ander sijden, Maer wandelen in de Ureese des Heeren, Ende een Licht wesen, tot elcx verblijden,
Waer wt dat alle Ouerhoofden sullen leeren, Dat sy moeten beghaeft zijn tot sdeuchts vermeeren Metten seluen Gheest, Willen sy heur Lant houden sonder verzeeren, En twistich Tempeest: Want dit is den keest, Waer by minst en meest, In ts'Weerelts foreest, Meughen in Rusten leuen, tzij Mans of vrouwen, Dus ouer een beghin segg'ick puer onbevreest, Godtsalighe Wijsheyt can alle Landouwen, In Rusten houwen.
Dan varen de Landen wel, t'allen stonden, Als de Ouerhoofden wijs zijn beuonden, En de Waerheyt minnen, Want sulcke sullen altijts Gods lof vermonden, En zeer cleene zijn in heur selfs gronden, Tot s'deuchts ghewinnen, Niet hem seluen soecken tzij buyten oft binnen, Maer t'gemeyn profijt altijts practijckieren, Niet wreet zijn, maer wijsselijck altijts versinnen, De Goede beschermen, de Quade punieren, Gheen onrechtveerdighe Wetten versieren, Wt verwaenthede, Alle Idolatrie wt royieren, D'welck Iosias dede Setten t'alle stede, Wijse Leeraers mede, Uan reynder zede, Op wiens leeringhe elck hem wel mach betrouwen,
Daer dit regneert, Ruste isser en Urede, Godtsalighe Wijsheyt can alle Landouwen In Rusten houwen.
Alle die van God zijn gheset in t'Regiment, Moeten hebben d'Licht des Wijsheyts excellent, Om te schouwen Tweedracht, Wel dat Lant daer warachtich wijs is een Regent, Want Wijsheyt (Godsalich veur God bekent) Is beter dan Cracht, Dit heeft Salomon rijpelijck ouerdacht, Doen hy Coninck in Israel was ghestelt, Hy badt om Wijsheyt vierichlijck dach en nacht, Om d'Lant in Rusten te houden en onghequelt, Hy en socht gheen langhe daghen, Goedt, noch Gelt, Dan Wijsheyt alleene: Want gelijck t'hooft is, soomen ons voorwaer vertelt Sulck is t'Uolck ghemeene, Hier by groot en cleene, Zijn vrij van weene, Uan Twiste reene, Liefde deur de Wijsheyt, slaeckt al tswaer benouwen, Ende beweecht t'Herte al waert van steene, Godsalighe Wijsheyt can alle Landouwen In Rusten houwen.
Cookies on Poetry Cove