§ Prince.
Alleene weest niet met vreesen onderdanich
Uwen goeden Heeren, maer oock den Quaden,
Al lijdy Onrecht peynst Petrus is vermanich,
Die recht oordeelt sal wasschen d'Ooghen tranich,
Want wie lijdt om der Conscientie schaden,
Dat is by God in zeer grooter Ghenaden,
T'en is gheenen prijs om misdaets wille lijden,
Zijt oock ghehoorsaem v Leeraers doet haer raden,
Die v d'woordt leeren totter Sielen bevrijden,
Haer ghedachtich t'zijne stelt niet besijden,
Oock int ghebet dat haer God wil verbreyden,
De Deure sijns Woordts, vry sonder vermijden,
Dat wy een gherust stille leuen leyden,
In Liefden verre van Ioab verscheyden,
Die verradich custe,
Hier toe wil ons God herte en sin bereyden,
De Ureese des Heeren wt Liefden met Luste
Is der Landen Ruste.