☞ Liedeken op de wijse, O Tyrannich werckvol erchs ghedronghen. etc.
DEn nacht is voorby, den dach licht schoone, Staet op en wandelt in des Heeren Wet, Die uere is hier, ontfanght de Croone: Lieue Broeders worpt af t'vuyl Iock besmet, Wordt al herboren, heel van Sonden net, U seluen set Hier inder Proeuen met alder ootmoet, Om rusten eewich in den Heere soet.
Om Ruste eewich wilt laboreren, Ghy vindtse al in dat beloefde Lant, Daer al Godts Heylighen triumpheren, Noyt Oore en hoorde die Blijschap, want Oft Ooghe en saecht dyer Ureucht playsant: Dus met Uerstant Uerlaet dat Quade, en verkiest dat Goet, Om rusten eewich in den Heere soet.
Het Thresoor des Ureedts is ons ontsloten, Deur Christum steruende ons Aduocaet, Den Soenpenninck heeft hy net gheschoten, Waer deur ons d'Landt van Rusten open staet, Die Heer ontfangter elcken vroech en laet, Dus tot hem gaet, En strijdt volheerdich teghen Uleesch en Bloet, Om rusten eewich in den Heere soet.
Wy en hebben hier gheen Landt om blijuen, Daer Ruste oft Uré woont, maer wel Discoort,
Elck neem dan wel waer, naer Paulus schrijuen, Sijnen Roep, om hier gaen in Deuchden voort: Soeckt doch dat Hemels is, naer Christus Woort, Sijn Stemme hoort, Ureest ancxt, perijckel, swęerdt, water, noch gloet, Om rusten eewich in den Heere soet.
Ick ben bermhertich, soo seydt die Heere, Dus doch elckanderen bermhertich zijt, Quetst Oog' om ooghe voort aen niet meere, De Wrake hoort mijne, schout Haet en Nijt, Oft mijn Ghenade suldy worden quijt, Nae deser tijt: Dus doet wel den ghenen die v misdoet, Om rusten eewich in den Heere soet.
Wilt v niet hooghe hier estimeren, Oft oock wijs zijn by v seluen bekent, Want die hem verheft, sal Godt verneren In den Dach des gherechtichs Iugement: Zijt als Kinderkens cleyn den Heer omtrent, Loos als t'Serpent, Teghen t'sondich brieschen, en t'vyants Woet, Om rusten eewich in den Heere soet.
Elck laet hem vredelijck wel ghenoeghen Met sulcx, oft t'ghene dat de Heere gheeft, En sonder ommesien moet ghy ploeghen: Want Christus dat elcken beuolen heeft, Sterft hier v seluen, en den Heere leeft, Dus niet en sneeft, Maer maeckt v vruchtbaer, noyt beteren spoet, Om rusten eewich in den Heere soet.
Cookies on Poetry Cove