§ Prince.
Wel den Uolcke die in sulcke Landen // woonen,
Daer de goede Eenheyt in Wesen triumpheert,
Als Gouuernante: can sy d'mishanden // schoonen
Der Ongherustheyt, en alle dinck conuerteert
Sy tot Rusten: wat ter Węrelt ongheregeert
Sonder Opperste is, deur Abdicatie,
Der Eenheyt falen, midts dat niet en defendeert:
Want ghelijck de Natuere t'elcker spatie,
Een moet zijn, soo heeft sy elck Wesens Natie
Uan Natueren al, in Eenheden ghestelt: want
Ghelijck Siel en Lichaem, een Congregatie
Tsamen maken, en zijn Een nae den schijn constant
Der Lichaemheyt: maer tsuppost faelt wanneer den bant
Des Wesens scheet, soo compt den Landen menichfout
Oock quellinghe toe, daer t'goet Wesen playsant
Der Eenheyt scheet: dus seg ic wie datter voor flout,
D'Wesen der Eenheyt goet, elck lant in Rusten hout.