Antwerpen. Goubloeme. Laet wroeten de Mol.
GHeen meerder salicheyt, voorspoet of weluaren, En mach ghebeuren, ouer al den Landen, Dan Rust, in Ure, naer t'Godlijck verclaren, Want Christus selue (daer alle Uerstanden Moeten voor buyghen) sprack: Alle mijn Uaillanden Gheef ick, en laet ick mijnen Ure op der Eerden, D'welck is Ruste, die des Tweedrachts banden, Altoos vernielen can, en houdt van onweerden, Daer Ure, daer Ruste met eendrachtich volheerden, En daer en is Haet, Enuye noch Strijt, Men behoefter gheen geweer, schilden noch sweerden, Eenen salighen voorspoet is daer t'alder tijt: Maer nu worter ghevraecht na der Caerten belijt, Wat dat de Landen (tzij wie dat regeert, Gheestelijck of Weerlijck) can houden (sonder nijt) In Rusten? Hier op wort van my ghesolueert, Wijsen Raet, Godlijck en Rechtelijck ghevseert.
Wijsheyt, een wortel van alle Deuchden gheacht, Wat, en can die ouer al niet wercken? T'is een Gaue, daer de Goddelijcke Cracht Den Menschen gheiont, tzij Leecke, of Clercken, Hier om, alsmen wilt alle saken aenmercken, Niet Goets en can sonder wijsen Raet gheschien, Wijsheyt moet alle dinghen tot Deuchden stercken, Wijsheyt gaet voor Cracht, so Salomon can bedien, Souwen dan niet deur des Wijsheyts raets ghebien Alle Landen worden in Rusten ghehouwen? Alle Tweedracht moet voor wijsen Raet vlien, En wijsen Raet sal alle Onruste schouwen: Hierom met wijsen Raet moet hy bouwen Die met Onrusten wort ghepersequeert, En daerom can (tzij deur mans of vrouwen) Landen in Rusten houwen (dit incorporeert) Wijsen Raet, Godlijck, en rechtelijck ghevseert.
Alle Gheestelijcke Regenten en Heeren, Met eenen wijsen Godlijcken Raet goet, Schuldich zijn te houdene in Eeren Een Religie, en een Ghelooue moet Regneren ouer al deur alsulck middel vroet, Om dat de Landen souden in Rusten blijuen, Want Rust en Ure, leght deerlijck onder de voet, Alsmen Tweedrachticheyt siet verstijuen Deur t'Ghelooue, en sulck quaet can verdrijuen Wijsen Raet, Godlijck, en rechtelijck befaemt, Wijsen Raet, en sal twisten noch kijuen, Daerom seydt Plutarchus een Philosooph vernaemt Ghelijck een in Musijcken ongheleert, hem schaemt
En niet weerdt en is dat hy t'Snaerspel hanteert, Soo oock, t'regiment der dwasen, niet en betaemt, Want oyt heeft Rust en Ure gheproponeert, Wijsen Raet, Godlijck en rechtelijck gheuseert,
Cookies on Poetry Cove