Bloeyende Wijngaert tot Berchem. Niet sonder Godt. Uerblijdt v inden Heere. Berckelaer.
HOe verdraeyt gaet de Werelt in alle hoecken, T'volck en doet niet dan sweeren en vloecken, Contrarie teghen de heylighe Godts Wet, D'Lant wort vol Onrusten deur s'menschen vercloecken, Deur t'valsch betrouwen van hun selfs Ingheset, T'gheheel Lant wort met Nieu vindinghe besmet, En vol Onrusten waermen compt oft gaet: Elck drijft sijn Opinie sterck, hier op wel let, Men siet dat d'een Broeder d'ander verslaet Deur Twisten Discoort, met een valsche daet, En brenghen soo d'Lant vol Onrusten voorwaer, Met Tweedrachticheyt volcht elck sijnen eygen haet,
Niet eens denckende op Godts Leer eenpaer, Maer alsmen wel eendrachtelijck leeft daer, Daerme houdtmen d'Lant wel in Rusten zeere, Malckanderen beminnende voor en naer, D'eendrachtelijck Leuen, naer Christus Leere.
Daermen vredelijck leeft naer Godts Leer altijt, Daer en is gheen Onruste, Twist, noch strijt, Maer dat Lant verwerft gheluck en salicheyt mede, En wort met den Gheloouighen ghebenedijt, Allen Onrusten verkeert daer in Urede: Des ghelijckx oock, t'zij wat Lant oft Stede, Daer de Ghehoorsaemheyt wort veriaecht, Sal ghestraft worden deur hun boose Sede, Met Sterften en Dieren tijt, soot Godt behaecht: Maer daer hem een Ghemeynte vreedtsamich draecht En met hun Ouerheyt rechtelijck accordeert, Daer en is gheen Onruste, oft niemant en claecht, Maer men siet dat het Lant in Liefde triumpheert, Daer elck tot Godts Eere neerstich laboreert, Moet Discordia wijcken met snellen keere, Dus houdtmen in Rusten d'Lant onghecesseert, D'eendrachtelijck Lueuen, naer Christus Leere.
Een goede Gaue is den Lande ghegheuen, Daermen de Ghemeynte siet vredelijck leuen Naer t'rechte Godts Woordt met reden en verstant, Dese sullen worden by Christum verheuen, En wel salt den Lande gaen aen elcken cant, T'is haer als eenen corstelijcken Diamant, Daermen soo d'Landt houdt sonder Turbatie,
En een oneyndelijcke Lofbaerheyt, want Paulus leert des smenschen Natie Urede te houdene, tzij van wat Statie, Ia alle die Gods Woordt recht leeren en preken, Gheen Duysternisse, maer een Licht van Gratie Is den Lande goet, niet om versteken, Daer de Godsalighe Liefde werdt ghebleken Sal Godt bewaren sijn Ledekens teere, Dus hout in Rusten d'Lant sonder oyt t'ontbreken, D'eendrachtelijck Leuen naar Christus Leere.
Cookies on Poetry Cove