§ Prince.
Salich is dat Landt, daermen den Heere vreest,
Daer sal hy ouer storten sijnen Gheest,
En haer alle Ruste gheuen groot en cleene,
Rijckdom ende Uoorspoet, smaeckt wel den keest,
Dus en isser niet beter voor elck eene,
Dan die Ureese des Heeren, die houdt ghemeene
Alle Landen in Ruste, spot is publijcke:
Die den Heere vreesen van herten reene,
Haren Loon die en sal (t'zij Erm oft Rijcke)
Niet ijdel ghemaeckt zijn in dit dal van slijcke:
Dus en is niet beters ter Werelt bleuen,
Dan die Ureese des Heeren in elcken wijcke,
Die welcke gherust houdt de Landen en t'Leuen
Der menschen, d'welck ons is van Godt ghegheuen,
Want alle Deucht en Ureucht deur haer vermeert,
In Ruste houdt de Landen, sover staet gheschreuen,
De vreese Gods die Eendracht sterct, en Liefde leert.