§ Prince.
God heeft alle dinghen door de Wijsheyt ghemaect,
In Hemel, op Eerde, Ia, al dat Leuen smaect,
Den Mensch t'Uerstant ghegeuen, bouen de Dieren,
Hem in Rusten ghestelt voor sijn Aenschijn naect,
Dat hijt deur Godts Wijsheyt al sou regieren
In Urede, met verstandighe manieren,
Ia, hem selfs, d'Landt, Dieren, sou in Rusten leuen,
T'is Godts wil, sin, datment noch soo sal vercieren,
Op dat de Gherechticheyt, mocht zijn verheuen
In alle de Landen, willet niet weerstreuen,
Om s'Menschen salich wesen, soudt soo behooren,
Want dit is de Ruste, die hem werdt ghegheuen,
(Dat sijt deur s'Wijsheyts-verstant souden orboren)
De Liefde Christi, die welck v heeft vercoren,
Dat lust // de Rust // in v // als nv // sou bouwen,
D'antwoort fier // hebdy hier // eel Princier // als voren,
S'Wijsheyts-verstandt // dat can elck Landt // in Rust houwen.