§ Prince.
O Heere, hoe goet, en hoe soet is uwen Gheest,
Hier om soo straft ghyse eendeels aldermeest
Die ghene die dwalen, en de Wijsheyt laten,
Ghy vermaent haer lieder Sonden, hier om vreest
Ghy Menschen alle, op dat v mocht baten,
Inder noot wilt Godt aenroepen bouen maten,
Uoor al om Wijsheyt, dats principale:
Hebdy Wijsheyt, soo en blijfdy niet verwaten,
En elck Landt mach rusten int generale:
Maer die op hem seluen staet t'eenen male,
Oft inden Heere niet en stelt sijn Uerstant,
Die moet nu deruen die opperste Sale,
En altoos sal hem druck comen aen elcken cant:
Wilt dan om Wijsheyt bidden, op dat v lant
In Rusten mach blijuen, soo wordy betaelt,
En in Rusten sullen sy blijuen abondant,
Deur de Wijsheyt des Heeren van bouen ghedaelt.