§ Prince.
Goede Leeraers zeer hooghe van weerden,
Uan Christo ghestelt hier opter Eerden,
Is oock nootelijck den Lande ghepresen,
En daer dan de Gemeynte Gods woort aenveerden,
Daer en can gheen Onruste by ghewesen,
Uan den Wolfs perijkel zijn sy ghenesen:
Want goede Herders zijn haer ontrent,
Dus ist te bemerckene dan deur desen,
Dat een wijs Prince wel sticht een goet Regiment,
En houdt in Rusten het Lant excelent,
En daer de Ouerheyt Wijsheyt heeft vercoren,
En haer Ghemeente Christus Leere maeckt bekent,
In dat Landt en salder niet gaen veloren,
Sy leuen in Ureesen van Godts thoren,
En dienen eendrachtelijck haren Heere,
Dus houdet d'Landt in Rusten gheseyt al voren,
D'eendrachtelijck Leuen naer Christus Leere.