§ Prince.
Alle Ouerheyt is van Godt den Uadere,
Gheestelijck, Węerlijck ons deur Christum gegheuen,
Niet tot misbruyck, maer Christus de Adere,
Tswęrelts Iudge, nochtans ons Ontladere,
In wien t'rechtveerdich Oordeel staet beschreuen,
Om dat gheen volck sonder Ouerheyt can leuen,
Deur tsmenschen boosen aert der Natueren,
Soo is t'Sweerdt van Iusticien achterbleuen,
Tot straffe des quaden en t'elcker hueren,
Dat de Goede met Ureden souden ghedueren,
Op dat sy al in Godts Woordt mochten beclijuen:
Ghy Ouders en wilt v lien niet verstueren,
Onderwijst v Kinders sonder twist oft kijuen,
Op datter voorsienighe slandts meughen blijuen:
Want wie oyt Discoort en Tweeracht blusten,
Om dat sy deur Wijsheyt Onruste verdrijuen.
Een wijs Godlijck Recht houdt de Landen in rusten.