§ Prince.
D'eendrachticheyt can in Rusten houwen
De Landen, niemant en derf niet grouwen
Uoor twist, discort, roofte, want sy zijn eens ghesint,
Elck d'een d'ander bemint //
Huns Naesten ongeluck sou hen thert deurknouwen,
Deur Liefde zijn sy op malckanderen verblint,
Simpel als een Kint //
In Wijsheden blijuense vast gheprint,
Godt leydtse na t'Hemels Ierusalem schoon,
D'lant blijft in Rusten men niemant tweedrachtich vint
O Broeders laet ons soo leuen elck persoon,
Op dat wy d'eewich Leuen crijghen te loon,
Daer wy als Pelgrims om niet zijn ghesonden,
Willet tvleesch achten minder dan een boon,
D'leert v alle Boosheyt zeer quaet om gronden,
Doedy wel soo zijdy van v misdaet ontbonden,
En d'Lant blijft in ureden sulcx trecket te beene,
D'eendrachtighe Ghemeynte wt Liefden reene.