§ Prince.
Godt Ghehoorsaem, is den offer rijckelijck,
Soo dat Ecclesiasticus thoont blijckelijck,
Ghehoorsaemheyt heeft den Uader begheert,
Christus ghehoorsaem te sijne ghelijckelijck,
Opden berch van Thabor broeders vermeert,
Christus heeft oock die Ghehoorsaemheyt aenveert,
Niet mijnen wille Uader, maer uwen gheschiet,
Hy heeft ons wt dat net der sonden ghecleert,
En Syon ghebrocht in Rusten sonder verdriet,
Leuen wy dan soo die Ghehoorsaemheyt ghebiet,
Soo sullen wy al beminnen Godt alleene,
Liefde en Eendrachticheyt Broeders aensiet,
Ghehoorsaemheyt volcompt dat Ghebot ghemeene,
Laet ons hem ghehoorsaem zijn niet af te scheene,
Dat seg ick v claerlick, hier op al betroude,
Om s'Mensch salich wesen groot en cleene,
Godt gehoorsaem zijn, eest dat d'landt in rusten houdt.